ചതച്ചല്ല, എണ്ണയാക്കി ഉപയോ​ഗിക്കൂ; ഈ ​ഗുണങ്ങൾ പിന്നാലെയല്ല, ഒപ്പമെത്തും..!

എല്ലാ അടുക്കളയിലെയും സ്ഥിരസാന്നിധ്യമാണ് വെളുത്തുള്ളി. കാണാൻ ഇത്തിരിയേ ഉള്ളുവെങ്കിലും ​ഗുണങ്ങളുടെ കാര്യത്തിൽ അൽപം മുൻപൽ തന്നെയാണ് വെളുത്തുള്ളി. വെളുത്തുള്ളി കഴിച്ചാൽ പല തരത്തിലുള്ള ആരോ​ഗ്യ ​ഗുണങ്ങളാണ് ലഭിക്കുന്നത്. പ്രതിരോധശേഷി വർദ്ധിപ്പിക്കാൻ സഹായിക്കുന്നു. വിറ്റാമിൻ സി, ബി6, മൻ​ഗനീസ്, സെലനീയം തുടങ്ങിയ അവശ്യ പോഷകങ്ങളും ധാതുക്കളും ഇതിലടങ്ങിയിട്ടുണ്ട്. രക്തസമ്മർ‌ദ്ദം, കൊളസ്ട്രോൾ എന്നിവ അകറ്റാനും വെളുത്തുള്ളി ശീലമാക്കാവുന്നതാണ്. എന്നാൽ വെളുത്തുള്ള എണ്ണയെ കുറിച്ച് കേട്ടിട്ടുണ്ടോ?

വെളുത്തുള്ളി ചെടിയിൽ നിന്നാണ് ​ഗാർലിക് ഓയിൽ ഉത്പാദിപ്പിക്കുന്നത്. വിറ്റാമിനുകളുടെയും ധാതുക്കളുടെയും ആൻ്റിഓക്‌സിഡൻ്റുകളുടെയും ഉറവിടമാണ് വെളുത്തുള്ളി എണ്ണ. ഇതിലടങ്ങിയിരിക്കുന്ന അലിസിൻ എന്ന ഘടകമാണ് ​ഗാർലിക് ഓയിലിനെ പ്രധാനപ്പെട്ടതാക്കുന്നത്. നിരവധി ആരോ​ഗ്യ​ഗുണങ്ങളാണ് വെള്ളുത്തുള്ളി എണ്ണ നൽകുന്നത്.

• പല്ലുവേദന കുറയ്‌ക്കാൻ വെളുത്തുള്ളി എണ്ണയ്‌ക്ക് സാധിക്കുന്നു. പല്ലുവേദനയ്‌ക്ക് കാരണമാകുന്ന ബാക്ടീരിയകളെ ഇല്ലാതാക്കാനുള്ള കഴിവ് അലിസിൻ സംയുക്തത്തിനുണ്ട്. വേദനയും വീക്കവും ഉള്ളയിടത്ത് എണ്ണയിൽ മുക്കിയ കോട്ടൺ‌ ബോൾ വയ്‌ക്കുക.
• കൊളസ്ട്രോൾ കുറച്ച് ഹൃദയത്തിന്റെ ആരോ​ഗ്യം കാക്കാനും ഇത് സഹായിക്കും. ശരീരത്തിലെ കൊഴുപ്പ് കുറയ്‌ക്കാൻ ഇതിന് സാധിക്കുന്നു. അതുവഴി രക്തത്തിലെ ട്രൈഗ്ലിസറൈഡുകൾ, കൊളസ്ട്രോളിന്റെ അളവ് തുടങ്ങിയവ കുറയ്‌ക്കും.
• മുടിയുടെയും ചർമ്മത്തിന്റെയും ആരോ​ഗ്യത്തിനും വെളുത്തുള്ളി എണ്ണ സഹായിക്കുന്നു. ഇതിലടങ്ങിയിരിക്കുന്ന വിറ്റാമിൻ ബി 1, വിറ്റാമിൻ ബി 6, വിറ്റാമിൻ സി, വിറ്റാമിൻ ഇ, സൾഫർ എന്നിവ മുടിക്ക് ​ഗുണം ചെയ്യുന്നു. തലയോട്ടി സംബന്ധമായ രോ​ഗങ്ങൾ തടയുന്നതിനും ഇത് ‌സഹായിക്കുന്നു. ‌വെളുത്തുള്ളി എണ്ണ തലയിൽ പുരട്ടുന്നത് രക്തചംക്രമണം കൂട്ടും. ഇത് മുടി വളർച്ചയ്‌ക്ക് സഹായിക്കും.
• ഡിമെൻഷ്യ, അൽഷിമേഴ്സ് എന്നിവയെ തടയാൻ സഹായിക്കുന്നുവെന്ന് പഠനങ്ങൾ പറയുന്നു. ഇതിലടങ്ങിയിരിക്കുന്ന ആൻ്റി ഓക്സിഡൻ്റുകൾ ശരീരത്തിന് സംരക്ഷണം നൽകുന്നു, യുവത്വം നിലനിർത്തുന്നു. സ്ട്രെസ് കുറയ്‌ക്കുന്നതിലും അൽഷിമേഴ്സിനെ തടയുന്നതിലും ഇത് പ്രധാന പങ്ക് വഹിക്കുന്നുവെന്നും പഠനം പറയുന്നു. എല്ലുകളുടെ ആ​രോ​ഗ്യം മെച്ചപ്പെടുത്തുന്നു.
• മുഖക്കുരു അകറ്റാൻ സഹായിക്കുന്നു. ഇതിലടങ്ങിയിരിക്കുന്ന ആൻ്റി മൈക്രോബിയൽ ​ഗുണങ്ങൾ സെബം അടിഞ്ഞു കൂടുന്നത് തടയുന്നു. കറ്റാർ വാഴ ജെല്ലിൽ നേർപ്പിച്ച് മുഖക്കുരുവിൽ പുരട്ടുന്നത് നല്ലതാണ്.
• ജലദോഷം,പനി എന്നിവ തടയാൻ സാധിക്കും. രോ​ഗലക്ഷണങ്ങളുടെ തീവ്രത കുറയ്‌ക്കാൻ സഹായിക്കുന്നു. കുളിക്കുന്നതിന് മുൻപ് കടുകെണ്ണെ ചേർത്ത് പുരട്ടുന്നത് നല്ലതാണ്.

കുടലിൽ അണുബാധ, ദഹനക്കേട്, അൾസർ തുടങ്ങിയ പ്രശ്നങ്ങളുള്ളവർ‌ വെളുത്തുള്ളി എണ്ണ കഴിക്കുന്നത് ഒഴിവാക്കേണ്ടതാണ്.