മുൻനിര ഇലക്ട്രിക് ഇരുചക്ര വാഹന നിർമ്മാതാവായ റിവോൾട്ട്, ഫീച്ചർ ലോഡഡ് ബാറ്ററിയിൽ പ്രവർത്തിക്കുന്ന തങ്ങളുടെ പുതിയ മോട്ടോർസൈക്കിൾ ഇന്ത്യയിൽ അവതരിപ്പിച്ചു. Revolt RV1 മോഡലിന് എക്സ് ഷോറൂം വില 84,990 രൂപയിൽ ആരംഭിക്കുന്നു. Revolt RV1+ ന്റെ മുൻനിര മോട്ടോർസൈക്കിളിന് എക്സ് ഷോറൂം വില 99,990 രൂപയാണ്.
100 കിലോമീറ്റർ വരെ റേഞ്ച് RV1 വാഗ്ദാനം ചെയ്യുന്നു. 2.2 kWh ബാറ്ററിയും RV1+ ന് 3.24 kWh ബാറ്ററിയും ലഭിക്കുന്നു. 2.8 kW മിഡ് മൗണ്ട് മോട്ടോറാണ് മോട്ടോർസൈക്കിളിന് കരുത്ത് പകരുന്നത്.
RV1-ന് എൽഇഡി ഹെഡ്ലൈറ്റുകളും 6 ഇഞ്ച് ഡിജിറ്റൽ എൽസിഡി ഡിസ്പ്ലേയും ലഭിക്കുന്നു. ഇത് തത്സമയ റൈഡ് ഡാറ്റ നൽകുന്നു. രണ്ട് വേരിയൻ്റുകളിലും ഇതിന് ബിൽറ്റ്-ഇൻ ചാർജർ സ്റ്റോറേജ് ലഭിക്കുന്നു. RV1+ ഫാസ്റ്റ് ചാർജിംഗ് സാങ്കേതികവിദ്യയിൽ സജ്ജീകരിച്ചിരിക്കുന്നു. ഇത് 90 മിനിറ്റിനുള്ളിൽ പൂർണ്ണമായി ചാർജ് ചെയ്യാൻ അനുവദിക്കുന്നു.
250 കിലോഗ്രാം പേലോഡ് ശേഷിയുണ്ട് RV1-ന്. മെച്ചപ്പെട്ട ഗ്രിപ്പ് നൽകുന്ന വിശാലമായ ടയറുകൾ കമ്പനി മോട്ടോർസൈക്കിളിന് നൽകിയിട്ടുണ്ട്. കോമ്പി ബ്രേക്കിംഗ്, റിവേഴ്സ് മോഡ്, മൾട്ടി റൈഡ് മോഡുകൾ എന്നിവയുള്ള ഡ്യുവൽ ഡിസ്ക് ബ്രേക്കുകളാണ് ഇലക്ട്രിക് മോട്ടോർസൈക്കിളിൽ.
റിവോൾട്ട് മോട്ടോഴ്സ് ഉൽപ്പന്നത്തിനും ബാറ്ററിക്കും 5 വർഷം/75,000 കിലോമീറ്റർ വാറൻ്റിയും ചാർജറിന് രണ്ട് വർഷവും വാഗ്ദാനം ചെയ്യുന്നു. നിലവിൽ ബ്രാൻഡ് ഇന്ത്യൻ വിപണിയിൽ RV400, RV400 BRZ എന്നിവ വിൽക്കുന്നുണ്ട്.
