തിരുവനന്തപുരം: പൊതുസ്ഥലങ്ങളില് മാലിന്യം കൂടിക്കിടക്കുന്നത് തദ്ദേശ സ്ഥാപനങ്ങളുടെ ശ്രദ്ധയില് കൊണ്ടുവരാനും പൊതുസ്ഥലങ്ങളും ജലാശയങ്ങളും മലിനമാക്കുന്നവര്ക്കെതിരെ പരാതി നല്കുവാനും വാട്സ് ആപ്പ് നമ്പര്. ഇനി മുതൽ പരാതികൾ തെളിവുകള് സഹിതം 9446700800 എന്ന വാട്സാപ് നമ്പറിലേക്ക് അയക്കാം.
സ്വച്ഛത ഹി സേവാ 2024 കാമ്പെയിന്റെ സംസ്ഥാനതല ലോഞ്ചും മാലിന്യ നിക്ഷേപത്തിന് എതിരെ പരാതി നല്കാനുള്ള പൊതു വാട്സ് ആപ്പ് നമ്പറിന്റെ പ്രഖ്യാപനവും കൊല്ലം കോര്പറേഷന് കൗണ്സില് ഹാളില് നടന്ന ചടങ്ങിൽ തദ്ദേശ വകുപ്പ് മന്ത്രി എം.ബി രാജേഷ് നിർവഹിച്ചു.
പൊതു വാട്സ് ആപ്പ് നമ്പര് എന്നത് ഒരു സോഷ്യല് ഓഡിറ്റ് ആയി കൂടിയാണ് പ്രവര്ത്തിക്കുക. സംസ്ഥാനതല വാര് റൂമില് ലഭിക്കുന്ന പരാതികള് തദ്ദേശ സ്ഥാപനങ്ങളിലേക്ക് നല്കുന്ന രീതിയാണ് പിന്തുടരുക. രണ്ടു ഘട്ടമായി ക്രമീകരിച്ചിരിക്കുന്ന നടപടികളില് ആദ്യം മലിനമായ ഇടം ശുചിയാക്കുകയും രണ്ടാമതായി കുറ്റക്കാര്ക്ക് എതിരെ നടപടികള് സ്വീകരിക്കലുമാണ്.
