ലോക ചെസ് ഒളിമ്പ്യാഡില് ചരിത്രമെഴുതിയ ഇന്ത്യന് സംഘംത്തിന് അഭിനന്ദനവുമായി ആനന്ദ് മഹീന്ദ്ര . ബുദാപെസ്റ്റില് നടക്കുന്ന ചാമ്പ്യന്ഷിപ്പിന്റെ ഓപ്പണ് വിഭാഗത്തിലും വനിതാ വിഭാഗത്തിലും സ്വര്ണ നേട്ടത്തോടെയാണ് ഇന്ത്യ ചരിത്രം കുറിച്ചത്. ഇതാദ്യമായാണ് ഇരുവിഭാഗങ്ങളിലും ഇന്ത്യ ജേതാക്കളാകുന്നത്.
ചെസ്സ് താരങ്ങളായ പ്രഗ്നാനന്ദ , ഗുകേഷ് ദൊമ്മരാജു, അർജുൻ എറിഗെസായി, വിദിത് ഗുജറാത്തി, തുടങ്ങിയവർക്ക് അഭിനന്ദന സന്ദേശങ്ങൾ പ്രവഹിക്കുന്നുണ്ട്. ചരിത്രവിജയം ഇന്ത്യയ്ക്ക് അഭിമാനമാണെന്നാണ് ആനന്ദ് മഹീന്ദ്രയുടെ ട്വീറ്റ്. ഒപ്പം എല്ലാ ഇന്ത്യൻ താരങ്ങളുടെയും ഫോട്ടോയും അദ്ദേഹം പോസ്റ്റ് ചെയ്തു.
‘ കിരീടം ഇപ്പോൾ ഇന്ത്യയുടേതാണ്. കിരീടം ചതുരംഗത്തിന്റെയും, ചെസ്സിന്റെയും ജന്മസ്ഥലത്തേക്ക് തന്നെ വരുന്നു. 4 ബില്യൺ ഇന്ത്യക്കാർ 5 പേരടങ്ങുന്ന ഈ ടീമിനെ സല്യൂട്ട് ചെയ്യുന്നു ‘ എന്നാണ് ആനന്ദ് മഹീന്ദ്രയുടെ കുറിപ്പ്.
അദാനി ഗ്രൂപ്പ് മേധാവി ഗൗതം അദാനിയും അഭിനന്ദനങ്ങൾ അറിയിച്ച് രംഗത്തെത്തി . “ഇന്ത്യയ്ക്ക് എന്തൊരു ചരിത്ര നിമിഷം! 2024-ലെ ചെസ് ഒളിമ്പ്യാഡിൽ സ്വർണം നേടിയതിന് പുരുഷ-വനിതാ ടീമുകൾക്ക് അഭിനന്ദനങ്ങൾ! ഈ മണ്ണിൽ പിറന്ന ചതുരംഗ കളിയിൽ തന്നെ ഇന്ത്യ വീണ്ടും ആധിപത്യം സ്ഥാപിക്കുന്നു. ഞങ്ങളുടെ വേരുകളിലേക്കുള്ള അഭിമാനകരമായ തിരിച്ചുവരവ്! ” എന്നാണ് അദാനി കുറിച്ചത്.
