2024 സെപ്റ്റംബർ 27 (1200 കന്നി 11 ) വെള്ളി ചന്ദ്രരാശി ഫലം
മേടം രാശി (അശ്വതി, ഭരണി, കാർത്തിക ആദ്യ കാൽഭാഗം)
കുടുംബസൗഖ്യക്കുറവ്, ബന്ധജനങ്ങളുമായി കലഹം, കാര്യതടസ്സം എന്നിവ ഉണ്ടാകും. ഭക്ഷണകാര്യങ്ങളിൽ ജാഗ്രത പാലിക്കുക
ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം)
സ്ത്രീകളുമായി അടുത്ത് ഇടപഴകാനും അവരോടൊപ്പം സമയം ചെലവഴിക്കാനും അവസരം ലഭിക്കും. ശത്രുഹാനി, രോഗശാന്തി, സാമ്പത്തിക ഉന്നതി എന്നിവ ലഭിക്കും.
മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം)
തൊഴിൽ ക്ലേശം ഉണ്ടാകുകയും മാനസിക ബുദ്ധിമുട്ടുകൾ അനുഭവപ്പെടുകയും ചെയ്യും. നേത്രരോഗം മറ്റു ശിരോ രോഗങ്ങൾ ഉള്ളവർ ജാഗ്രത പാലിക്കുക.
കർക്കിടകം രാശി (പുണർതം അവസാന കാൽഭാഗം, പൂയം, ആയില്യം)
ഇഷ്ടപ്പെട്ട ഭക്ഷണം ആസ്വദിക്കാനും പ്രിയപ്പെട്ടവരുമായി ഒരുമിച്ച് ഭക്ഷണം കഴിക്കാനുമുള്ള അവസരങ്ങൾ ലഭിക്കും. ബിസിനെസ്സിൽ പുതിയ ഓഫറുകൾ ലഭിക്കുകയും ചെയ്യുന്ന പ്രവർത്തനങ്ങൾ എല്ലാം ലാഭത്തിൽ ആയിത്തീരുകയും ചെയ്യും
ചിങ്ങം രാശി (മകം, പൂരം, ഉത്രം ആദ്യ കാൽഭാഗം)
അനാവശ്യമായ കൂട്ടുകെട്ടുകൾ മൂലം മാനഹാനി, ധനനഷ്ടം എന്നിവ ഉണ്ടാകും. അന്യസ്ത്രീബന്ധം, ഭാഗ്യഹാനി, അലച്ചിൽ എന്നിവ ഉണ്ടാകും.
കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം)
കുടുംബത്തിൽ മംഗളകരമായ കാര്യങ്ങൾ നടക്കുവാനും ബന്ധുക്കളോടൊപ്പം പങ്ക് ചേരുവാനും അവസരം ലഭിക്കും. ദാമ്പത്യ ഐക്യം, ധനനേട്ടം, ഭക്ഷണ സുഖം, മനഃസന്തോഷം എന്നിവ ലഭിക്കും
തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം)
ജോലി അന്വേഷിക്കുന്നവർക്ക് അപ്രതീക്ഷിതമായി നല്ല സ്ഥാനമാനങ്ങളും സാമ്പത്തിക പുരോഗതിയുള്ള സ്ഥാപനങ്ങളിൽ ജോലി ലഭിക്കാനുള്ള അവസരം ഉണ്ടാകും. തൊഴിൽലാഭം, കീർത്തി, ദാമ്പത്യഐക്യം, സത്സുഹൃത്തുക്കൾ എന്നിവ ഉണ്ടാകും.
വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട)
സ്വത്തു സംബന്ധമായോ സാമ്പത്തീക സംബന്ധമായോ കേസുകൾക്ക് പരാജയം നേരിടേണ്ടി വരും. ശത്രുക്കളെ കൊണ്ട് ഉപദ്രവം കൂടും. ഉദര രോഗം വരാം.
ധനു രാശി (മൂലം, പൂരാടം, ഉത്രാടം ആദ്യ കാൽഭാഗം)
സത്ഭാര്യാഭർത്തൃലബ്ധി, ഇഷ്ടഭക്ഷണയോഗം എന്നിവ ഉണ്ടാകും. സാമ്പത്തികമായി നേട്ടങ്ങൾ ഉണ്ടാകാൻ സാധ്യതയുണ്ട്.
മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം)
ദാമ്പത്യഐക്യം, വാഹനഭാഗ്യം, ബന്ധുജനസമാഗമം, നിദ്രാസുഖം, പ്രേമകാര്യങ്ങൾ പൂവണിയുക എന്നിവ ഉണ്ടാകും.
കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം)
പുതിയ പദ്ധതികൾ വിജയകരമായി പൂർത്തിയാക്കാനും അംഗീകാരം നേടാനും അവസരങ്ങൾ ലഭിക്കും. ഇഷ്ടജനങ്ങളുമായി ഇടപഴകുവാനുള്ള അവസരം ലഭിക്കും
മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി)
കല, സാഹിത്യം, സാംസ്കാരിക മേഖലകളിൽ പ്രവർത്തിക്കുന്നവർക്ക് പേരും പ്രശസ്തിയും അവാർഡും ലഭിക്കും. ദൂരദേശ യാത്ര, രോഗശാന്തി എന്നിവ ഉണ്ടാകും .
ജയറാണി ഈ വി .
WhatsApp No : 9746812212
(പാരമ്പര്യ ജ്യോതിഷ കുടുംബത്തിലെ അംഗം . ഇരുപതിലേറെ വർഷമായി ജ്യോതിഷം സംഖ്യാശാസ്ത്രം വാസ്തു ആചാര അനുഷ്ഠാന വിഷയങ്ങൾ കൈകാര്യം ചെയ്യുന്നു)
Daily Prediction By Jayarani E.V
