രണ്ടാം ജന്മം നൽകിയത് കോലിയും ശാസ്ത്രിയും; എനിക്ക് പൂർണ സ്വാതന്ത്ര്യം നൽകി: മനസ് തുറന്ന് രോഹിത് ശർമ്മ

നാട്ടിലെ 18-ാമത്തെ ടെസ്റ്റ് പരമ്പര വിജയമായിരുന്നു ഇന്ത്യയുടേത്. രണ്ടു മത്സരങ്ങളടങ്ങിയ പരമ്പരയിൽ ആധികാരിക വിജയത്തോടെയാണ് രോഹിതും സംഘവും കപ്പുയർത്തിയത്. ടെസ്റ്റ് ചാമ്പ്യൻഷിപ്പിൽ ഫൈനലും ഏകദേശം ഇന്ത്യ ഉറപ്പിച്ചിട്ടുണ്ട്. ഇതിനിടെ തന്റെ ടെസ്റ്റ് കരിയറിലെ രണ്ടാം ഇന്നിം​ഗ്സിനെക്കുറിച്ച് രോഹിത് ശർമ വാചാലനായി. ജതിൻ സപ്രുവിന്റെ യുട്യൂബ് ചാനലിലാണ് താരം വെളിപ്പെടുത്തൽ നടത്തിയത്.
രവിശാസ്ത്രിയും വിരാട് കോലിയുമാണ് എനിക്ക് ടെസ്റ്റിൽ രണ്ടാം ജന്മം നൽകിയത്. അവരോടാണ് എനിക്ക് രണ്ടാം ഇന്നിം​ഗ്സിൽ നന്ദി പറയാനുള്ളതെന്നാം അദ്ദേഹം പറഞ്ഞു.

“കരിയറിലെ രണ്ടാം ഇന്നിം​ഗ്സിൽ എനിക്ക് നന്ദി പറയാനുള്ളത് രവിശാസ്ത്രിയോടും വിരാട് കോലിയോടുമാണ്. അവരാണ് എനിക്ക് ഓപ്പണിം​ഗിൽ ബാറ്റ് ചെയ്യാൻ അവസരം നൽകിയത്. ടെസ്റ്റിൽ എന്നെ മുനിരയിൽ ഇറക്കുന്നത് അത്ര എളപ്പമുള്ള തീരുമാനമായിരുന്നില്ല. അവർ എന്നോട് ഒരു പരിശീലന മത്സരം കളിക്കാൻ ആവശ്യപ്പെട്ടു. എന്നാൽ ആ മത്സരത്തിൽ ആദ്യ പന്തിൽ ഞാൻ പുറത്തായി. അപ്പോഴാണ് എനിക്ക് മറ്റൊരു വഴിയില്ലെന്ന് തിരിച്ചറിഞ്ഞത്. ടെസ്റ്റിൽ അതൊരു രണ്ടാം ജന്മമായിരുന്നു. ഈ അവസരം വിട്ടുകളയരുതെന്ന് മനസിലാക്കി. അത് ഒപ്പണിം​ഗ് ആണെങ്കിലും അഞ്ചാമതോ ആറാമതോ ആണെങ്കിലും” —-രോഹിത് പറഞ്ഞു.

“വ്യക്തമായ മറുപടി അവർക്ക് നൽകി, ഞാൻ എന്റെ സ്വാഭാവിക ​ഗെയിം കളിക്കും, ക്രീസിൽ തുടരാനുള്ള സമർദ്ദം ബാധിക്കാതെ കളിക്കും. ഫ്രീയായി ബാറ്റ് ചെയ്യും. പന്ത് കൺമുന്നിലുണ്ടെങ്കിൽ അത് ടെസ്റ്റിലെ ആദ്യ പന്തോ അവസാന പന്തോ എന്തായാലും അടിച്ചുപറത്തും. എനിക്ക് വേണ്ടത് ചെയ്യാനുള്ള സ്വാതന്ത്ര്യം അവർ നൽകിയിട്ടുണ്ട്.” —-രോഹിത് പറഞ്ഞു.

While @ImRo45 Rohit’s legacy in test cricket is being discussed – Here’s a little story of his comeback into test cricket .. Also a sneak peek into how @RaviShastriOfc and @imVkohli planned India’s ascendancy in tests. pic.twitter.com/LO0jVtqP7O

— Jatin Sapru (@jatinsapru) October 1, 2024

“>