പൊതുഫലങ്ങൾ ഒരു നിശ്ചിത കാലയളവിലെ ഗ്രഹനിലയെ അടിസ്ഥാനമാക്കിയുള്ള പ്രവചനങ്ങളാണ്. എന്നാൽ, ഓരോ വ്യക്തിയും അനുഭവിക്കുന്ന യഥാർത്ഥ ഫലങ്ങൾ ജനന സമയത്തെ ഗ്രഹനില, അതിൽ നിന്നുണ്ടാകുന്ന യോഗങ്ങൾ, നിലവിലെ ദശ, അപഹാരങ്ങൾ എന്നിവയെ ആശ്രയിച്ചിരിക്കും. എന്നിരുന്നാലും, ഈ പൊതുഫലങ്ങളെ ഒരു സൂചനയായി ഉപയോഗിച്ച്, വിശദമായ ജാതക വിശകലനം നടത്തി ദശാനാഥനെ പ്രീതിപ്പെടുത്താനുള്ള വഴികൾ തേടുകയും ദോഷപരിഹാരങ്ങൾ ചെയ്യുകയും ചെയ്താൽ, നല്ല സമയങ്ങളുടെ ഗുണഫലങ്ങൾ പരമാവധി അനുഭവിക്കാനും പ്രതികൂല സമയങ്ങളെ കൂടുതൽ എളുപ്പത്തിൽ തരണം ചെയ്യാനും സാധിക്കും.
മേടം രാശി (അശ്വതി, ഭരണി, കാർത്തിക ആദ്യ കാൽഭാഗം)
ഈ വാരം ഗുണദോഷ സമ്മിശ്രമായിരിക്കും. വാരത്തിന്റെ തുടക്കത്തിൽ പ്രേമവിജയം, പുതിയ വീട് വാങ്ങുക അല്ലെങ്കിൽ വീട് പുതുക്കി പണിയുക, എവിടെയും ഒരു സ്ഥാനം എന്നിവ ഉണ്ടാകുവാൻ സാധ്യത. വാരത്തിന്റെ മധ്യത്തിൽ കുടുംബബന്ധു ജനങ്ങളുമായി അഭിപ്രായ വ്യത്യാസം, രോഗാദിദുരിതങ്ങൾ ഒക്കെ അലട്ടുവാൻ സാധ്യത. പ്രത്യേകിച്ചു ആമാശയ സംബന്ധമായ രോഗങ്ങൾ ഉള്ളവർ ജാഗ്രത പാലിക്കുക. സർക്കാർ സംബന്ധമായ ദോഷാനുഭവങ്ങൾ, കുടുംബത്തിൽ മംഗളകർമ്മങ്ങൾക്ക് സാധ്യത. ശത്രുഭയം, കാര്യതടസ്സം, കേസുവഴക്കുകൾ, ജയിൽ ശിക്ഷയും വരെ ചിലർക്ക് ഫലത്തിൽ വരാം. അന്യജനങ്ങളിൽ നിന്നും തിക്താനുഭവങ്ങൾ, അന്യസ്ത്രീ ബന്ധം, അഗ്നി മൂലം ദോഷാനുഭവങ്ങൾ എന്നിവ ഉണ്ടാകുവാൻ സാധ്യത.
ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം)
വാരത്തിന്റെ തുടക്കത്തിൽ ശത്രുഹാനി, സ്ഥാനമാനങ്ങൾ ലഭിക്കുക, സത്സുഹൃത്തുക്കൾ ഉണ്ടാവുക, അവർ മൂലം ഗുണാനുഭവങ്ങൾ, തൊഴിൽ വിജയം, സുഖഭോഗ തൃപ്തി, വാഹന ഭാഗ്യം,ഭക്ഷണ സുഖം, ധനനേട്ടം, തൊഴിൽ വിജയം, ഉന്നത സ്ഥാന ലബ്ധി, വിദ്യാപുരോഗതി, ഭാര്യാഭർത്തൃ ഐക്യം എന്നിവ ഉണ്ടാകുവാൻ സാധ്യത. എന്നാൽ വാരത്തിന്റെ അവസാനം സങ്കീർണമായ പല പ്രശ്നങ്ങളും ഉടലെടുക്കും. കുടുബ ബന്ധു ജനങ്ങളുമായി അഭിപ്രായ വ്യത്യാസം, മേൽ അധികാരികളെ കൊണ്ട് ദോഷഫലങ്ങൾ, കാര്യതടസ്സം, ജലദോഷം, വാത പിത്ത രോഗങ്ങൾ, ശരീര ശോഷണം എന്നിവ ഉണ്ടാകും. അപ്രതീക്ഷിതമായ ചതി വരുവാൻ സാധ്യത.
മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം)
വാരത്തിന്റെ തുടക്കത്തിൽ മാനസിക ബുദ്ധിമുട്ടുകൾ, അന്യദേശ വാസം-ജോലി, സഞ്ചാര ശീല കൂടുകയും യാത്ര ദുരിതംകൂടുകയും ചെയ്യുക , കുടുംബം വിട്ടു മാറി നിൽക്കേണ്ട അവസ്ഥ, വാഹനം മൂലം ദോഷാനുഭവങ്ങൾ-അപകടങ്ങൾ, പരാശ്രയം,വാത നീർദോഷങ്ങളും ഉദര രോഗങ്ങളും വർദ്ധിക്കുക. എന്ത് തൊഴിൽ ചെയ്താലും അതിനൊന്നും തക്ക പ്രതിഫലം കിട്ടാത്ത അവസ്ഥ എന്നിവ ഉണ്ടാകും. എന്നാൽ വാര മധ്യത്തോടു കൂടി സ്ത്രീകളുമായി അടുത്തു ഇടപെഴകാൻ അവസരം, കുടുംബത്തിൽ മംഗള കർമ്മങ്ങൾ നടക്കാൻ സാധ്യത, ഉന്നത സ്ഥാന പ്രാപ്തി, വ്യാപാര-ബിസിനസ്സിൽ പുരോഗതി, തൊഴിൽ വിജയം എന്നിവക്ക് സാധ്യത.
കർക്കിടകം രാശി (പുണർതം അവസാന കാൽഭാഗം, പൂയം, ആയില്യം)
വാരത്തിന്റെ തുടക്കത്തിൽ മാനസികമായി വളരെ അധികം ദുരിതങ്ങൾ നേരിടേണ്ടി വരും. വാഹനങ്ങൾ മൂലം ദോഷങ്ങൾ-അപകടങ്ങൾ, വ്യവഹാര പരാജയം, മനോദുഃഖ൦, ഉറക്കക്കുറവ്, ധന ക്ലേശം, കുടുംബ ബന്ധു ജനങ്ങളുമായി അഭിപ്രായ വ്യത്യാസം എന്നിവ അനുഭവത്തിൽ വരും. എന്നാൽ വാര മധ്യത്തോടു കൂടി ശത്രുഹാനി, വ്യവഹാരങ്ങളിൽ വിജയം, ഉന്നത സ്ഥാനലബ്ധി, കീർത്തി, ഭാര്യാ – ഭർതൃ ഐക്യം, കുടുംബത്തിൽ അഭിവൃദ്ധി ഉണ്ടാവുക, ആട-ആഭരണ-അലങ്കാര വസ്തുക്കളുടെ വർദ്ധനവ്, കുടുംബാംഗങ്ങൾ തമ്മിൽ ചേർച്ച എന്നിവ ഉണ്ടാകുവാൻ സാധ്യത. കുടുംബത്തിൽ മംഗളകരമായ കർമ്മങ്ങൾ നടക്കും.
ജയറാണി ഈ വി .
WhatsApp No : 9746812212
(പാരമ്പര്യ ജ്യോതിഷ കുടുംബത്തിലെ അംഗം . ഇരുപതിലേറെ വർഷമായി ജ്യോതിഷം സംഖ്യാശാസ്ത്രം വാസ്തു ആചാര അനുഷ്ഠാന വിഷയങ്ങൾ കൈകാര്യം ചെയ്യുന്നു)
Weekly Prediction by Jayarani E.V
