ആദ്യ ബുക്കിംഗ് ദിവസം തന്നെ മികച്ച പ്രതികരണവുമായി എംജി വിൻഡ്സർ ഇവി. ഒക്ടോബർ 3 ന് രാവിലെ 7:30 ന് റിസർവേഷൻ ആരംഭിച്ച് ആദ്യ 24 മണിക്കൂർ പിന്നിട്ടപ്പോൾ 15,176 ബുക്കിംഗുകളാണ് വാഹനത്തിന് ലഭിച്ചത്. ഒറ്റ ദിവസം കൊണ്ട് ഇത്തരമൊരു നാഴികക്കല്ല് കൈവരിക്കുന്ന ഇന്ത്യയിലെ ആദ്യത്തെ പാസഞ്ചർ ഇലക്ട്രിക് വാഹനമെന്ന റെക്കോർഡാണ് എംജി വിൻഡ്സർ സ്വന്തമാക്കിയത്.
ഇലക്ട്രിക് ക്രോസ്ഓവർ യൂട്ടിലിറ്റി വെഹിക്കിളിന്റെ (സിയുവി) ഉപഭോക്തൃ ഡെലിവറി 2024 ഒക്ടോബർ 12-ന് ആരംഭിക്കും. ഉപഭോക്താക്കൾക്ക് ഏറ്റവും അടുത്തുള്ള MG ഡീലർഷിപ്പ് സന്ദർശിക്കാം. അല്ലെങ്കിൽ ബ്രാൻഡിന്റെ ഔദ്യോഗിക വെബ്സൈറ്റ് വഴി 11,000 രൂപ ടോക്കൺ തുക അടച്ച് വിൻഡ്സർ EV ഓൺലൈനായി റിസർവ് ചെയ്യാം.
ആഗോള വിപണികളിൽ നിന്നുള്ള വുളിംഗ് ക്ലൗഡ് ഇവിയെ അടിസ്ഥാനമാക്കിയുള്ളതാണ് എംജി വിൻഡ്സർ. ഇതിന്റെ സ്റ്റൈലിംഗ് സെഡാൻ, എസ്യുവി ബോഡി തരങ്ങളിൽ നിന്നുള്ള സവിശേഷതകൾ സമന്വയിപ്പിക്കുന്നു. എംജി വിൻഡ്സർ ഇവിയുടെ എക്സ്ഷോറും വില 13,49,800 ലക്ഷമാണ്. 38 kWh ലി-അയൺ ബാറ്ററി പായ്ക്കാണ് വിൻഡ്സറിന് കരുത്ത് പകരുന്നത്. ഇത് വെള്ളത്തിന്റെയും പൊടിയുടെയും പ്രതിരോധത്തിന് IP67-സർട്ടിഫൈഡ് ആണ്.
