സ്വീഡൻ: പ്രോട്ടീനുകളുടെ ഘടന പ്രവചിക്കാൻ AI സാങ്കേതിക വിദ്യ ഉപയോഗപ്പെടുത്തിയ ശാസ്ത്രജ്ഞർക്ക് 2024 ലെ രസതന്ത്ര നൊബേൽ. മൂന്ന് ശാസ്ത്രജ്ഞരാണ് ഈ വർഷത്തെ രസതന്ത്ര നൊബേൽ പുരസ്കാരം പങ്കിടുന്നത്. ഡേവിഡ് ബേക്കർ, ഡെമിസ് ഹസാബിസ്, ജോൺ എം ജമ്പർ എന്നിവരാണ് പുരസ്കാരത്തിന് അർഹരായത്.
കംപ്യുട്ടേഷണൽ പ്രോട്ടീൻ ഡിസൈനിനാണ് അമേരിക്കക്കാരനായ ഡേവിഡ് ബേക്കറിന് പുരസ്കാരം. ഡേവിഡ് ബേക്കർ വാഷിംഗ്ടൺ സർവകലാശാലയിലെ ഗവേഷകനാണ്. ഇദ്ദേഹം AI മൊഡ്യൂളുകളുടെ സഹായത്തോടെ പുതിയൊരു പ്രോട്ടീൻ സംയുക്തം നിർമ്മിക്കുന്നതിൽ വിജയിച്ചിരുന്നു.
പ്രോട്ടീൻ ഘടനയുടെ പ്രവചനത്തിനാണ് ബ്രിട്ടീഷുകാരായ ഡെമിസ് ഹസാബിസിനും ജോൺ എം ജമ്പറിനും പുരസ്കാരം ലഭിച്ചിരിക്കുന്നത്. ഗൂഗിളിന്റെ AI ലാബായ ഗൂഗിൾ ഡീപ് മൈൻഡിലെ ഗവേഷകരാണ് ഇരുവരും.
