ബിഗ് ബോസിലൂടെ മലയാളികൾക്ക് സുപരിചിതയായ യൂട്യൂബറാണ് ജാസ്മിൻ ജാഫർ. റിയാലിറ്റി ഷോയിലേക്ക് കടന്നുവരുന്നതിന് മുൻപും ജാസ്മിൻ സോഷ്യൽമീഡിയയിലെ അറിയപ്പെടുന്ന താരമായിരുന്നു. റീൽസുകളിലൂടെയും മെയ്‌ക്കപ്പ് ടിപ്സുകളിലൂടെയും ആരാധകരെ നേടിയ ജാസ്മിൻ ജാഫർ ബിഗ് ബോസിൽ എത്തിയതോടെയാണ് വിവാദതാരമായത്. ഷോയിൽ ഒപ്പമുണ്ടായിരുന്ന ഗബ്രി എന്ന യുവാവുമായുള്ള സൗഹൃദമാണ് ബിഗ് ബോസ് കാണികൾക്കിടയിൽ വലിയ ചർച്ചയായത്. വൃത്തിയില്ല, കുളിക്കില്ല, എന്നീ ആരോപണങ്ങളും ജാസ്മിന് നേരെ ഉയർന്നിരുന്നു. ഒരു സമയത്ത് സമാനതകളില്ലാത്ത സൈബറാക്രമണവും താരം നേരിട്ടിട്ടുണ്ട്.
ബിഗ് ബോസ് കഴിഞ്ഞ് പുറത്തിറങ്ങിയ ജാസ്മിൻ ഇപ്പോഴും സോഷ്യൽ മീഡിയയിൽ സജീവമാണ്. സുഹൃത്ത് ഗബ്രിയോടൊപ്പം മേഘാലയയിലേക്ക് യാത്ര പോയതിന്റെ വീഡിയോകളും പുറത്തുവന്നിട്ടുണ്ട്. കഴിഞ്ഞ ദിവസം ജാസ്മിൻ പങ്കുവച്ച റീൽ ആണ് താരത്തിന്റെ ആരാധകരും വിമർശകരും ഇപ്പോൾ ആഘോഷമാക്കുന്നത്. മേഘാലയയിലെ നദിയിൽ കുളിക്കുന്ന സീനുകളായിരുന്നു റീൽ. സുഖംപ്രാപിക്കുന്നതിനുള്ള യാത്ര തുടങ്ങുന്നത് സ്വയം ഇഷ്ടപ്പെട്ട് തുടങ്ങുമ്പോഴാണ് (‘’THE JOURNEY TOWARDS HEALING BEGINS WITH SELF-LOVE ‘’) എന്ന അടിക്കുറിപ്പോടെയായിരുന്നു റീൽ പങ്കുവച്ചത്. ഇതിനോടകം നാല് മില്യൺ കാഴ്ചക്കാരെയും ഇത് സ്വന്തമാക്കി.
View this post on Instagram
എന്നാൽ എന്തിനും ഏതിനും താരത്തെ വിമർശിക്കുന്നവർ ഇവിടെയും പരിഹാസ കമന്റുകളുമായി എത്തിയിരുന്നു. പെർഫ്യൂം ഹറാം ആണെന്ന് പറഞ്ഞവളാണ് ഇപ്പോൾ ഇങ്ങനെ നടക്കുന്നതെന്നും ജാസ്മിൻ കുളിക്കാത്തവളാണ് എന്ന് പറയുന്നവർ ഇത് കാണണമെന്നും ജാസ്മിനെ ട്രോളി പലരും കമന്റെഴുതി. ജാസ്മിന്റെ വെള്ളം അലർജി, ഇസ്ലാമിലെ ഹറാം എന്നിവയായിരുന്നു നെഗറ്റീവ് കമന്റുകളുടെ പ്രധാന ഉള്ളടക്കം. എന്നാൽ ചിലർ ജാസ്മിനെ പ്രശംസിച്ചും കമന്റ് പങ്കുവച്ചിട്ടുണ്ട്. അവനവനെ സ്വയം അംഗീകരിക്കുന്നതും സ്നേഹിക്കുന്നതുമാണ് സന്തോഷത്തിലേക്കുള്ള താക്കോൽ എന്നും ചിലർ കമന്റെഴുതി.
