ഇതിഹാസങ്ങൾ ഒരിക്കലും മരിക്കുന്നില്ലെന്ന് ഒരേ സ്വരത്തിൽ ​ഗൗതം അദാനിയും ആനന്ദ് മഹീന്ദ്രയും; ആധുനിക ഇന്ത്യയുടെ പാത പുനർനിർവചിച്ച മഹാപുരുഷന് അന്ത്യാഞ്ജലി

ടാറ്റാ ​ഗ്രൂപ്പിന്റെ മുൻ അമരക്കാരൻ രത്തൻ ടാറ്റയുടെ വിയോ​ഗത്തിൽ അനുശോചിച്ച് അദാനി ​ഗ്രൂപ്പ് ചെയർമാൻ ​ഗൗതം അദാനി. ആധുനിക ഇന്ത്യയുടെ പാത പുനർനിർവചിച്ച അതികായനെ ഇന്ത്യക്ക് നഷ്ടമായെന്ന് അദ്ദേഹം എക്സിൽ കുറിച്ചു.

വെറുമൊരു വ്യവസായി എന്നതിലുപരി അനുകമ്പ, ദയ, നന്മ, അചഞ്ചലമായ പ്രതിബദ്ധത എന്നിവയിലൂടെ ഇന്ത്യയുടെ ആത്മാവിനെയാണ് അദ്ദേഹം പ്രതിനിധാനം ചെയ്യുന്നത്. കാലമെത്ര കഴിഞ്ഞാലും അദ്ദേഹത്തെ പോലെയുള്ള ഇതിഹാസങ്ങൾ മായുന്നില്ലെന്നാണ് ​ഗൗതം അദാനി കുറിച്ചത്.

India has lost a giant, a visionary who redefined modern India’s path. Ratan Tata wasn’t just a business leader – he embodied the spirit of India with integrity, compassion and an unwavering commitment to the greater good. Legends like him never fade away. Om Shanti 🙏 pic.twitter.com/mANuvwX8wV

— Gautam Adani (@gautam_adani) October 9, 2024

രത്തൻ ടാറ്റയുടെ അഭാവം ഉൾക്കൊള്ളാൻ സാധിക്കുന്നില്ലെന്നാണ് ആനന്ദ് മഹീന്ദ്ര കുറിച്ചത്. ഇന്ത്യയുടെ സമ്പദ്‌വ്യവസ്ഥ ചരിത്രപരമായ ഒരു കുതിച്ചുചാട്ടത്തിന്റെ നെറുകയിലാണ്. രത്തൻ ടാറ്റയുടെ ജീവിതവും സേവനങ്ങളും ഇതിനോട് ചേർത്ത് വായിക്കേണ്ടതാണ്. ഇന്ത്യക്ക് അദ്ദേഹം നൽകിയ സംഭാവനകൾ അത്രത്തോളമുണ്ടെന്നും ആനന്ദ് മഹീന്ദ്ര ഓർമ്മിച്ചു.

അദ്ദേഹത്തിന്റെ ദർശനങ്ങൾ‌ വിലമതിക്കാനാവത്തതാണ്. അദ്ദേഹം വിട പറയുമ്പോൾ ഇനി അദ്ദേഹത്തിന്റെ മാർ​ഗങ്ങൾ പിന്തുടരുക മാത്രമാണ് വഴി. ആഗോള സമൂഹത്തിനായി മുഴുവൻ സമയവും സമ്പത്തും സമ്മാനിച്ച മഹാനാണ് അദ്ദേഹം. ഇതിഹാസങ്ങൾ ഒരിക്കലും മരിക്കുന്നില്ലെന്നും ആനന്ദ് മഹീന്ദ്ര എക്സിൽ കൂട്ടിച്ചേർത്തു.

I am unable to accept the absence of Ratan Tata.

India’s economy stands on the cusp of a historic leap forward.
And Ratan’s life and work have had much to do with our being in this position.

Hence, his mentorship and guidance at this point in time would have been invaluable.… pic.twitter.com/ujJC2ehTTs

— anand mahindra (@anandmahindra) October 9, 2024