വൾക്കൻ എസിന്റെ 2025 പതിപ്പ് ഇന്ത്യയിൽ അവതരിപ്പിച്ച് കാവസാക്കി. 7.10 ലക്ഷമാണ് മോട്ടോർസൈക്കിളിന്റെ എക്സ് ഷോറൂം വില. പേൾ മാറ്റ് സേജ് ഗ്രീൻ എന്ന പുതിയ കളർ ഓപ്ഷൻ അവതരിപ്പിച്ചു എന്നതാണ് മുൻ മോഡലിനെ അപേക്ഷിച്ചുള്ള പ്രത്യേകത. ബൈക്കിന്റെ മെക്കാനിക്കൽ സവിശേഷതകളിൽ മാറ്റമൊന്നും വരുത്തിയിട്ടില്ല.
ഓവൽ ആകൃതിയിലുള്ള ഹെഡ്ലാമ്പ്, ബ്ലാക്ക്-ഔട്ട് ഘടകങ്ങൾ, അലോയ് വീലുകൾ. ഒരു ആധുനിക വിഷ്വൽ അപ്പീൽ. മറ്റെല്ലാ 650 സിസി കവാസാക്കികൾക്കും സമാനമായി, ബ്ലൂടൂത്ത് കണക്റ്റിവിറ്റിയും ഡ്യുവൽ-ചാനൽ എബിഎസും വൾക്കൻ എസിന് കമ്പനി നൽകിയിരിക്കുന്നു. 649 സിസി, പാരലൽ ട്വിൻ, ലിക്വിഡ് കൂൾഡ് എഞ്ചിനാണ് ബൈക്കിന്. ആറ് സ്പീഡ് ഗിയർബോക്സുമായി ബന്ധിപ്പിച്ചിരിക്കുന്ന ഈ മോട്ടോർ 7,500 ആർപിഎമ്മിൽ 59.9 ബിഎച്ച്പി പരമാവധി ഔട്ട്പുട്ടും 6,600 ആർപിഎമ്മിൽ 62.4 എൻഎം പരമാവധി ടോർക്കും നൽകും.
18-17 ഇഞ്ച് അലോയ് വീൽ കോമ്പിനേഷനിൽ സഞ്ചരിക്കുന്ന ഒരു പെരിമീറ്റർ ഫ്രെയിമാണ് ഇതിന്. സസ്പെൻഷൻ ചുമതലകൾ 41 എംഎം ടെലിസ്കോപിക് ഫ്രണ്ട് ഫോർക്കുകളും പ്രീലോഡ് ക്രമീകരിക്കാവുന്ന പിൻ മോണോഷോക്കും കൈകാര്യം ചെയ്യുന്നു. അതേസമയം സ്റ്റോപ്പ് പവർ രണ്ട് അറ്റത്തും ഒരൊറ്റ ഡിസ്കിൽ നിന്നാണ്. 14 ലിറ്റർ ഇന്ധന ടാങ്ക്, 235 കിലോഗ്രാം ഭാരം, 705 എംഎം സീറ്റ് ഉയരം, 130 എംഎം ഗ്രൗണ്ട് ക്ലിയറൻസ് എന്നിവയാണ് ബൈക്കിന്റെ മറ്റ് പ്രധാന പ്രത്യേകതകൾ.
