ഇന്ത്യൻ റെയിൽവേയുടെ ഭാഗമാകാൻ ആഗ്രഹിക്കുന്നവർക്കായി വിശാലമായ റിക്രൂട്ട്മെന്റാണ് നടത്താനൊരുങ്ങുന്നത്. റെയിൽവേയുടെ സാങ്കേതികേതര വിഭാഗങ്ങളിലെ (നോൺ ടെക്നിക്കൽ പോപ്പുലർ കാറ്റഗറീസ്) ഒഴിവുകളിലേക്ക് റെയിൽവേ റിക്രൂട്ട്മെന്റ് ബോർഡ് വിജ്ഞാപനം ഇറക്കിയിരുന്നു. 11,558 ഒഴിവുകളാണുള്ളത്.
ഗ്രാജ്വേറ്റ് ലെവൽ ജോലികളിലേക്ക് ഒക്ടോബർ 13 വരെ അപേക്ഷിക്കാം. അണ്ടർ ഗ്രാജ്വേറ്റ് ലവൽ തസ്തികകളിലേക്ക് ഒക്ടോബർ 20 വരെയും അപേക്ഷിക്കാം. അണ്ടർ ഗ്രാജ്വേറ്റ് പോസ്റ്റുകൾക്ക് പ്ലസ് ടു ആണ് വിദ്യാഭ്യാസ യോഗ്യത. ഗ്രാജ്വേറ്റ് പോസ്റ്റുകൾക്ക് ബിരുദമാണ് യോഗ്യത.
ഗ്രാജ്വേറ്റ് ലെവൽ പോസ്റ്റുകൾ
- ചിഫ് കൊമേഴ്സ്യൽ കം ടിക്കറ്റ് സൂപ്പർവൈസർ- 1,736 ഒഴിവുകൾ
- സ്റ്റേഷൻ മാസ്റ്റർ – 994 ഒഴിവുകൾ ഗുഡ്സ് ട്രെയിൻ മാനേജർ – 3,144 ഒഴിവുകൾ
- ജൂനിയർ അക്കൗണ്ട് അസിസ്റ്റന്റ് കം ടൈപ്പിസ്റ്റ്- 1,507 ഒഴിവുകൾ
- സീനിയർ ക്ലാർക്ക് കം ടൈപ്പിസ്റ്റ്- 732 ഒഴിവുകൾ
18-36 വയസിനിടയിൽ പ്രായമുള്ളവർക്ക് അപേക്ഷിക്കാം. ചീഫ് കൊമേഴ്സ്യൽ കം ടിക്കറ്റ് സൂപ്പർവൈസർ,സ്റ്റേഷൻ മാസ്റ്റർ തസ്തികളിൽ നിയമനം ലഭിച്ചാൽ 35,400 രൂപ വരെ ശമ്പളമായി ലഭിക്കും. മറ്റ് തസ്തികകളിൽ 29,200 രൂപ വരെയും ശമ്പളമായി ലഭിക്കും.
അണ്ടർ- ഗ്രാജ്വേറ്റ് ലെവൽ പോസ്റ്റുകൾ
- കൊമ്മേഴ്ഷ്യൽ കം ടിക്കറ്റ് ക്ലാർക്ക് – 2,022 ഒഴിവുകൾ
- അക്കൗണ്ട്സ് ക്ലാർക്ക് കം ടൈപ്പിസ്റ്റ്- 361 ഒഴിവുകൾ
- ജൂനിയർ ക്ലാർക്ക് കം ടൈപ്പിസ്റ്റ് – 990 ഒഴിവുകൾ
- ട്രെയിൻസ് ക്ലാർക്ക് – 72 ഒഴിവുകൾ
18-നും 33-നും ഇടയിൽ പ്രായമുള്ളവർക്ക് അപേക്ഷിക്കാം. കമേഴ്സ്യൽ കം ടിക്കറ്റ് ക്ലർക്ക് തസ്തികയിൽ പ്രവേശിച്ചാൽ 21,700 രൂപയും മറ്റ് തസ്തികകളിൽ 19,900 രൂപയും ശമ്പളമായി ലഭിക്കും.
കമ്പ്യൂട്ടർ അധിഷ്ഠിത ടെസ്റ്റ്, ടൈപ്പിംഗ് ടെസ്റ്റ്, സർട്ടിഫിക്കറ്റ് പരിശോധന, മെഡിക്കൽ ടെസ്റ്റുകൾ തുടങ്ങിവിവിധ ഘട്ടങ്ങളിലായാണ് റിക്രൂട്ട്മെൻ്റ് പ്രക്രിയ നടക്കുക. 500 രൂപയാണ് അപേക്ഷ ഫീസ്.
പിന്നാക്ക വിഭാഗങ്ങൾ, മുൻ സൈനികർ, പിഡബ്ല്യുബിഡി, വനിത, ട്രാൻസ്ജെൻഡർ, ന്യൂനപക്ഷങ്ങൾ, സാമ്പത്തികമായി പിന്നോക്കം നിൽക്കുന്നവർ (ഇബിസി) എന്നിവർക്ക് 250 രൂപയാണ് അപേക്ഷ ഫീസ്.
ആർആർബി എൻടിപിസി 2024 അറിയിപ്പ് പരിശോധിച്ച് രജിസ്റ്റർ ചെയ്യാവുന്നതാണ്. കൂടുതൽ വിവരങ്ങൾക്ക് www.rrbapply.gov.in സന്ദർശിക്കുക.
