80,000 വർഷത്തിലൊരിക്കൽ മാത്രം ഭൂമിയിൽ ദൃശ്യമാകുന്ന ധൂമകേതു വടക്കൻ അർദ്ധകോളത്തിലുടനീളം ദൃശ്യവിസ്മയമൊരുക്കി. ‘നൂറ്റാണ്ടിന്റെ ധൂമകേതു’ എന്ന് വിളിക്കപ്പെടുന്ന പുരാതന ധൂമകേതു C/2023 A3 Tsuchinshan-ATLAS ഭൂമിയിൽ നിന്ന് ഏകദേശം 44 ദശലക്ഷം മൈലുകൾക്ക് അകലെയാണ് ധൂമകേതു ദൃശ്യമായത്.
2023-ലാണ് ഈ ധൂമകേതുവിനെ കണ്ടെത്തിയത്. 80,000 വർഷത്തിലൊരിക്കൽ മാത്രം ആന്തരിക സൗരയൂഥത്തിലേക്ക് മടങ്ങുന്ന ദീർഘകാല ധൂമകേതുവാണ് C/2023 A3. ബുധൻ, ശുക്രൻ, ഭൂമി, ചൊവ്വ, ഛിന്നഗ്രഹ വലയത്തിലെ ഭാഗങ്ങൾ എന്നിവ ഉൾപ്പെടുന്നതാണ് ആന്തരിക സൗരയൂഥം അഥവാ ഇന്നർ സോളാർ സിസ്റ്റം.
Comet C/2023 A3 (Tsuchinshan-ATLAS) time lapse from 1847–1937 MST 13 October 2024. Was able to capture the anti tail (and too many headlights). 85mm lens cropped to 16:9 aspect ratio.
Ashurst Lake, Coconino National Forest, Arizona.#comet #astrophotography pic.twitter.com/ubUAkgGjCH
— David Blanchard (@dblanchard_AZ) October 14, 2024
‘പർപ്പിൾ മൗണ്ടൻ’ എന്നും അറിയപ്പെടുന്ന ചൈനയിലെ സുചിൻഷാൻ ഒബ്സർവേറ്ററിയിലെ ജ്യോതിശാസ്ത്രജ്ഞർ ദക്ഷിണാഫ്രിക്ക ആസ്ഥാനമായുള്ള ATLAS (Asteroid Terrestrial-inmpact Last Alert System) ടെലസ്കോപ് വഴിയാണ് ധൂമകേതുവിനെ തിരിച്ചറിഞ്ഞത്. ഇവ രണ്ടിന്റെയും സ്മരണാർത്ഥമാണ് ധൂമകേതുവിന് C/2023 A3 Tsuchinshan-ATLAS എന്ന പേര് നൽകാൻ കാരണം.
വളരെ മനോഹരമായ ദൃശ്യാനുഭവമാണ് ധൂമകേതു സമ്മാനിച്ചത്. അരിസോണയിലെ കൊക്കോനിനോ നാഷണൽ ഫോറസ്റ്റ്, റഷ്യയിലെ വിവിധ പ്രദേശങ്ങൾ, മാസിഡോണിയ, ജപ്പാനിലെ മൗണ്ട് യാരിഗടേക്ക് തുടങ്ങിയ സ്ഥലങ്ങളിൽ ധൂമകേതു ആകാശത്ത് പരന്നുകിടക്കുന്ന ദൃശ്യങ്ങളാണ് സമൂഹമാദ്ധ്യമങ്ങളിൽ നിറയുന്നത്.
