ഓസ്ട്രേലിയയിൽ കാണപ്പെടുന്ന വിഷമുള്ള ഒരിനം ചിലന്തിയാണ് റെഡ്ബാക്ക് സ്പൈഡർ. ലാറ്റ്രോഡെക്റ്റസ് ജനുസിലെ ഒരു ഇനമാണ് ഇവ. പെൺചിലന്തികൾക്ക് 10 മില്ലിമീറ്റർ നീളവും ആൺചിലന്തികൾക്ക് 3-4 മില്ലീമീറ്റർ നീളവുമാണുള്ളത്. കറുത്ത വിധവ എന്നും റെഡ്ബാക്ക് ചിലന്തി അറിയപ്പെടാറുണ്ട്. പ്രായപൂർത്തിയായ സ്ത്രീയെ അവളുടെ ഗോളാകൃതിയിലുള്ള കറുത്ത ശരീരത്താൽ എളുപ്പത്തിൽ തിരിച്ചറിയാൻ കഴിയും. അവയുടെ ഉദരത്തിന്റെ മുകൾഭാഗത്ത് ഒരു ചുവന്ന വരയും അടിഭാഗത്ത് ഒരു മണിക്കൂർഗ്ലാസ് ആകൃതിയിലുള്ള ചുവപ്പ്/ഓറഞ്ച് വരയും ഉണ്ട്. എന്താണ് ഈ ചിലന്തിയുടെ പ്രത്യേകത എന്നല്ലേ സംശയം…! പറയാം….
ചെറിയ പ്രാണികളെയാണ് പൊതുവേ ചിലന്തികൾ കഴിക്കാറുള്ളത്. ചിലപ്പോഴൊക്കെ പല്ലികളെയും തവളകളെയും ഭക്ഷിക്കാറുണ്ട്. എന്നാൽ തങ്ങളെക്കാൾ 30 മടങ്ങ് വലിപ്പമുള്ള ജീവികളെ ആഹാരമാക്കുന്ന അസാധാരണ ശക്തിയുള്ള ഒരു ചിലന്തിയാണ് റെഡ് ബ്ലാക്ക് ചിലന്തി. പ്രാണികൾ, പുഴുക്കൾ, പല്ലികൾ, തവളകൾ എന്നിവ മാത്രമല്ല എലികളെയും വലിയ പാമ്പിനെയും വരെ നിസ്സാരമായി ഭക്ഷിക്കും ഈ ചിലന്തി.
പെൺ ചിലന്തിക്ക് ഒരു മിഠായിയുടെ വലിപ്പമേ ഉള്ളൂ. എന്നാൽ ലോകത്തിലെ ഏറ്റവും വിഷമുള്ള പാമ്പുകളിൽ പെട്ട ജുവനൈൽ ഈസ്റ്റേൺ ബ്രൗൺ പാമ്പുകളെപ്പോലുള്ള താരതമ്യേന വലിയ ഇരകളെ ഇവയ്ക്ക് കീഴടക്കാൻ കഴിയും. റെഡ്ബാക്കിന്റെ വലയിൽ കുടുങ്ങിയ പാമ്പുകളുടെ ചിത്രം നിരവധി പുറത്തുവന്നിട്ടുണ്ട്. എത്ര അപകടകാരിയായ പാമ്പാണെങ്കിലും ഈ ചിലന്തിയുടെ ശക്തമായ വലയിൽ കുടും. കുടുങ്ങുമ്പോൾ തന്നെ ചിലന്തി ഇലയുടെ ശരീരത്ത് കടിക്കും. ഈ വിഷക്കടിയേറ്റാൽ ഏത് പാമ്പും ചാകും.
വലയിൽ കുടുങ്ങിയ ഇരയെ നിരന്തരം ചിലന്തി കടിക്കും. കാലുകളും പല്ലുകളും കുത്തിയിറക്കും. 20 മിനിറ്റോളം വരെ ഇത് തുടരും. അങ്ങനെ ഇരയെ റെഡ് ബ്ലാക്ക് ചിലന്തി കീഴ്പ്പെടുത്തും. വലയിൽ കുടുങ്ങിയ ഭക്ഷണം മോഷ്ടിക്കുന്ന ചിലന്തികളെയും പെൺ ചിലന്തികൾ ആക്രമിക്കും. ഒരേ വർഗ്ഗത്തിൽ പെട്ടതായാലും മറ്റ് ചിലന്തി വർഗമായാലും ഇവ ആക്രമിക്കും. പരാജയപ്പെട്ട ചിലന്തിയെ റെഡ് ബ്ലാക്ക് ചിലന്തി തിന്നുകയും ചെയ്യുന്നു.
ഓരോ വർഷവും ഓസ്ട്രേലിയയിലുടനീളം 2,000 മുതൽ 10,000 വരെ ആളുകൾ റെഡ് ബ്ലാക്ക് ചിലന്തിയുടെ കടിയേൽക്കുന്നതായി റിപ്പോർട്ട് ചെയ്യപ്പെടുന്നുണ്ട്. ഇതിൽ കൂടുതലും കടിയേറ്റിരിക്കുന്നത് പെൺ ചിലന്തിയുടേതാണ്. ന്യൂ സൗത്ത് വെയിൽസിലെ തദ്ദേശീയരായ ഓസ്ട്രേലിയക്കാർ ചിലന്തികളുടെ ശരീരം പാമ്പുകളുടെ വിഷവും പൈൻ ട്രീ ഗമ്മും ചേർത്ത് കുന്തത്തിന്റെ അറ്റത്ത് പൂശാൻ ഉപയോഗിക്കുന്ന ഒരു കുഴമ്പ് നിർമ്മിക്കുന്നു.
