കോഴിക്കോട്: വീട്ടമ്മയുടെ സ്വർണമാല മോഷ്ടിച്ച സംഭവത്തിൽ യുവാവ് പിടിയിൽ. പയ്യോളി സ്വദേശി ആസിഫ് ആണ് പിടിയിലായത്. കോഴിക്കോടിൽ കോഴിക്കൂട് നിർമിക്കാനെത്തിയ വീട്ടിൽ അതിക്രമിച്ച് കയറിയാണ് യുവാവ് സ്വർണം മോഷ്ടിച്ച് കടന്നുകളഞ്ഞത്.
വീട്ടമ്മയായ വിമലയുടെ മാലയാണ് മോഷ്ടിച്ചത്. വിമല തനിച്ചാണ് താമസിക്കുന്നതെന്ന് പ്രതി മനസസിലാക്കിയിരുന്നു. വീട്ടമ്മ പുറത്തുപോയ തക്കം നോക്കി ഇയാൾ പൂട്ടുപൊളിച്ച് അകത്തുകയറുകയറി സ്വർണമാല എടുത്ത് മുങ്ങുകയായിരുന്നു.
വിമലയുടെ പരാതിയിൽ കേസെടുത്ത് അന്വേഷണം നടത്തുന്നതിനിടെയാണ് ഇയാളെ പൊലീസ് പിടികൂടിയത്. ഒന്നര പവൻ തൂക്കം വരുന്ന ആഭരണമാണ് യുവാവ് മോഷ്ടിച്ചത്. ഇത് വിറ്റ് 75,000 രൂപയും കൈക്കലാക്കിയിരുന്നു. ആഭരണം പിന്നീട് സ്വർണവ്യാപാരിയായ സേട്ടുവിന്റെ കടയിൽ നിന്നും കണ്ടെടുത്തതായി പൊലീസ് അറിയിച്ചു.
