ചില മൃഗങ്ങളുടെ രൂപം നമ്മളെ ഭയപ്പെടുത്താറുണ്ട്. നമ്മൾ വായിച്ച യക്ഷി കഥകൾ ഓർമ്മപ്പെടുത്തുന്ന തരത്തിലുള്ള ചില രൂപങ്ങൾ. പൂച്ചയെ ഇഷ്ടമുള്ളവർ, കറുത്ത പൂച്ചയെ രാത്രിയിൽ കണ്ടാൽ ഒന്ന് വിറയ്ക്കില്ലേ! വലിയ ശരീരം ഒന്നും വേണ്ട പേടിക്കാൻ. വവ്വാലുകളെയും കൂമനേയും ഭയപ്പെടുന്നവർ ഇല്ലേ. അതുപോലെതന്നെ രൂപം കൊണ്ട് പലരെയും ഭയപ്പെടുത്തുന്ന ഒരു ജീവിയാണ് Aye-aye(ഡൗബെൻ്റോണിയ മഡഗാസ്കറിയൻസിസ്). നീണ്ട വിരലുകൾ ഉള്ള ലെമറാണ് ഇത്.
ലോകത്തിലെ ഏറ്റവും വലിയ രാത്രികാല പ്രൈമേറ്റാണിത്. ഭക്ഷണം കണ്ടെത്തുന്ന രീതിയാണ് ഈ ജീവിയുടെ പ്രധാന സവിശേഷത. പുഴുക്കളെ കണ്ടെത്താൻ ഇത് മരങ്ങളിൽ തട്ടും. മരത്തിന്റെ പൊള്ളയായ ഭാഗത്ത് പുഴുവിന്റെ സാന്നിധ്യം തിരിച്ചറിയുന്ന ഭാഗത്തെ തടി കടിച്ചു പൊട്ടിക്കും. പല്ലുകൾ ഉപയോഗിച്ച് തടിയിൽ ദ്വാരങ്ങൾ സൃഷ്ടിക്കും. ശേഷം ഈ ദ്വാരത്തിലൂടെ നടുവിരൽ കയറ്റി പുഴുക്കളെ പിടിക്കും. ഈ ലെമറിന്റെ മറ്റ് വിരലുകളിൽ നിന്ന് വ്യത്യസ്തമാണ് നടുവിരൽ. അത് തീർത്തും വണ്ണം കുറഞ്ഞതും നീളമുള്ളതും ആയിരിക്കും. ഇതു ഉപയോഗിച്ച് തന്നെയാണ് മരത്തിൽ ഇവ കൊട്ടുന്നതും.
ഈ ജീവിയുടെ ഭക്ഷണരീതിയെ പെർക്കുസീവ് ഫോറേജിംഗ് എന്ന് വിളിക്കുന്നു. ഇത് തീറ്റ സമയത്തിന്റെ 5-41% എടുക്കുന്നു. ഈ രീതിയിൽ ആഹാരം കണ്ടെത്തുന്ന ജീവനുള്ള മറ്റ് സസ്തനികൾ മാർസുപിയലുകളാണ്. അകശേരുക്കളെ പുറത്തെടുക്കാൻ തടി തുളച്ചുകയറാൻ ഇതിന് കഴിയും. അയേ-അയ് രാത്രിയിൽ മാത്രമേ പുറത്തിറങ്ങാറുള്ളൂ. ജീവിതത്തിന്റെ ഭൂരിഭാഗവും മരങ്ങളിലാണ് ഇവ ചിലവഴിക്കുക.
ഇടയ്ക്കിടെ നിലത്ത് ഇറങ്ങുന്നതായി കണ്ടിട്ടുണ്ടെങ്കിലും, അയേ-അയേ ഉറങ്ങുന്നതും ഭക്ഷണം കഴിക്കുന്നതും യാത്ര ചെയ്യുന്നതും ഇണ ചേരുന്നതുമെല്ലാം മരങ്ങളിൽ തന്നെ. പകൽ സമയത്ത് ഇലകൾ, ശാഖകൾ, വള്ളികൾ എന്നിവ ഉപയോഗിച്ച് മരങ്ങളിൽ ഉണ്ടാക്കിയിട്ടുള്ള ഗോളാകൃതിയിലുള്ള കൂടുകളിൽ അയേ-അയേ ഉറങ്ങുന്നു. അവരുടെ വീട്ടുപരിധിയെ മണം കൊണ്ട് അടയാളപ്പെടുത്തുന്ന ഏകാന്ത മൃഗങ്ങളാണ് അയേ-അയേ.
പുഴുക്കളെ മാത്രമല്ല വിത്തുകൾ, ഫലങ്ങൾ, തേൻ എന്നിവയും ഈ ജീവി ഭക്ഷിക്കുന്നു. രാത്രിയിൽ 4 കിലോമീറ്റർ വരെ സഞ്ചരിച്ച് ഇവ ഭക്ഷണം തേടും. പൂർണ്ണ വളർച്ചയെത്തിയ അയേ-അയേക്ക് സാധാരണയായി 60 സെൻ്റീമീറ്റർ നീളമുണ്ട്. അതിന്റെ ശരീരത്തേക്കാൾ നീളമുള്ള വാലുമുണ്ട്. ഈ ഇനത്തിന് ശരാശരി 36-43 സെൻ്റീമീറ്റർ നീളവും 56-61 സെൻ്റീമീറ്റർ വാലുമുണ്ട്. ഏകദേശം 2 കിലോഗ്രാം (4 പൗണ്ട്) ഭാരവുമുണ്ട്.
Aye-aye പ്രായപൂർത്തിയാകാൻ തുടങ്ങുമ്പോൾ, അവയുടെ ശരീരം പൂർണ്ണമായും കട്ടിയുള്ള രോമങ്ങളാൽ മൂടപ്പെട്ടിരിക്കും. തലയിലും പുറകിലും, മുടിയുടെ അറ്റത്ത് സാധാരണയായി വെളുത്ത നിറമായിരിക്കും. ശരീരത്തിന്റെ ബാക്കി ഭാഗങ്ങൾ സാധാരണയായി മഞ്ഞ അല്ലെങ്കിൽ തവിട്ട് നിറമായിരിക്കും. ഈ ജീവി മനുഷ്യർക്ക് ഉപദ്രവകാരി അല്ല. എന്നിരുന്നാലും രാത്രികാലങ്ങളിൽ കാണപ്പെടുന്ന ഇവയെ പിശാചായി ചില നാടോടിക്കഥകളിൽ പ്രതിപാദിക്കുന്നതിനാൽ മനുഷ്യർ പലരും ഈ സാധു മൃഗത്തെ ഭയം മൂലം കൊല്ലുന്നു.
മലഗാസി ജനങ്ങൾ ഈ ജീവിയെ മോശം ശകുനമായി ഇന്നും കരുതിവരുന്നു. കണ്ടുകിട്ടിയാൽ ജനങ്ങൾ ഈ ജീവിയെ കൊല്ലാൻ തുനിഞ്ഞിറങ്ങും. ഇത്തരം വേട്ടയാടലും ആവാസവ്യവസ്ഥയുടെ നാശവും അയേ-അയേയുടെ എണ്ണം കുറയാൻ കാരണമായി.
