തെന്നിന്ത്യൻ താരസുന്ദരി നയൻതാരയുടെ പ്രണയവും വിവാഹവും പ്രമേയമാക്കിയ ‘നയൻതാര ബിയോണ്ട് ദ ഫെയറി ടെയിൽ’ ഡോക്യുമെന്ററി ഏറ്റെടുത്ത് ആരാധകർ. നടിയുടെ 40ാം ജന്മദിനത്തിലാണ് ഡോക്യുമെന്ററി പുറത്തിറങ്ങിയത്. നയൻതാരയുടെ അമ്മയും ഭർത്താവും ഉൾപ്പെടെ പലരും ഈ വീഡിയോയുടെ ഭാഗമായിട്ടുണ്ട്.
നയൻതാരയും തമിഴിലെ ഒരു പ്രമുഖ നടനുമായുള്ള പ്രണയവും ഏറെ ഗോസിപ്പുകൾക്ക് ഇടയാക്കിയിരുന്നു. ഈ ബന്ധത്തെ കുറിച്ച് അമ്മ ഓമന കുര്യൻ ഡോക്യുമെന്ററിയിൽ പറയുന്നുണ്ട്. ആദ്യമായാണ് നയൻതാരയും ഓമന കുര്യനും മുൻകാല പ്രണയത്തെക്കുറിച്ച് തുറന്ന് സംസാരിക്കുന്നത്. തമിഴ് നടനുമായുളള പ്രണയം തനിക്ക് പറ്റിയ തെറ്റാണെന്ന് നയനും സമ്മതിക്കുന്നുണ്ട്.
” ആ പ്രണയം ദുരിതമാണ് മകൾക്ക് നൽകിയത്. മകൾ കൈവിട്ട് പോയെന്ന് കരുതിയ സമയായമായിരുന്നു.ചെട്ടികുളങ്ങര അമ്മ എനിക്ക് എല്ലാമാണ്. രാവിലെ എഴുന്നേറ്റാലുടനെ ചെട്ടികുളങ്ങര ക്ഷേത്രത്തിൽ പോയി പ്രാർത്ഥിക്കും.
ആ അമ്മയാണ് എനിക്കെന്റെ മോളെ തിരിച്ച് തന്നത്.
ആ സമയത്ത് ഒരുപാട് വിഷമമുണ്ടായിരുന്നു. ഞാൻ മണിക്കൂറുകളോളം അവിടെയിരുന്നങ്ങ് പ്രാർത്ഥിക്കും. എനിക്കെന്റെ മോളെ തിരിച്ച് തരണം, വേറൊന്നും വേണ്ടെന്നാണ് പ്രാർത്ഥന. എന്റെ മോളെ എനിക്ക് നന്നായി അറിയാം. ദൈവം കഴിഞ്ഞാൽ
പിന്നെ ഏറ്റവും കൂടുതൽ അവളെ മനസ്സിലാക്കിയത് ഞാനാണ്. ഒരു ദോഷവും വരില്ലെന്ന് എനിക്കറിയാം “- ഓമന കുര്യൻ പറഞ്ഞു.
