വിരമിക്കൽ പ്രഖ്യാപിച്ച ഇതിഹാസ സ്പിന്നർ ആർ. അശ്വിന് ആദരവറിയിച്ച് കുറിപ്പ് പങ്കുവച്ച് സഹതാരം വിരാട് കോലി. ഗാബ ടെസ്റ്റ് സമനിലയിൽ കലാശിച്ചതോടെയാണ് അശ്വിൻ വിരമിക്കൽ പ്രഖ്യാപിച്ചത്. ഇതിന് പിന്നാലെയാണ് വിരാട് വൈകാരികമായ ഒരു കുറിപ്പ് എക്സിൽ പങ്കിട്ടത്. നിങ്ങളുടെ കഴിവും, ഇന്ത്യൻ ടീമിന് താങ്കൾ നൽകിയ മാച്ച് വിന്നിംഗ് സംഭാവനകളും, നിങ്ങൾ എല്ലാക്കാലവും ഒരു ഇതിഹാസമായി ഓർമിക്കപ്പെടുമെന്നാണ് കോലി പറഞ്ഞത്.
14 വർഷം നിനക്കൊപ്പം കളിച്ചു. വിരമിക്കുന്ന കാര്യം നീയെന്നോട് പറഞ്ഞപ്പോൾ ഞാൻ അല്പം വികാരാധീനനായി. ഒരുമിച്ച് കളിച്ചതിന്റെ ഓർമകൾ ഫ്ലാഷ്ബാക്കായി എന്നിലേക്ക് വന്നു. നിന്നൊടൊപ്പമുള്ള ഓരോ യാത്രയും ഞാൻ ആസ്വദിച്ചിരുന്നു ആഷ്. നിങ്ങളുടെ കഴിവും, ഇന്ത്യൻ ടീമിന് താങ്കൾ നൽകിയ മാച്ച് വിന്നിംഗ് സംഭാവനകളും രണ്ടാമതല്ല, നിങ്ങൾ എന്നും ഒരു ഇതിഹാസമായി ഓർമിക്കപ്പെടും.
ഇനി കുടുംബത്തോടൊപ്പമുള്ള നിന്റെ യാത്രകൾക്ക് നന്മകൾ നേരുന്നു. നിനക്കും നിന്നെ സ്നേഹിക്കുന്നവരോടും ഏറെ ബഹുമാനത്തോടെയും ഒത്തിരി സ്നേഹത്തോടെയും എല്ലാത്തിനും നന്ദി സുഹൃത്തേ– വിരാട് പറഞ്ഞു. 38-ാം വയസിൽ ഇന്ത്യൻ ക്രിക്കറ്റിന്റെ മാത്രമല്ല, ലോക ക്രിക്കറ്റിന്റെ ഇതിഹാസമായാണ് അശ്വിൻ പടിയിറങ്ങുന്നത്.
I’ve played with you for 14 years and when you told me today you’re retiring, it made me a bit emotional and the flashbacks of all those years playing together came to me. I’ve enjoyed every bit of the journey with you ash, your skill and match winning contributions to Indian… pic.twitter.com/QGQ2Z7pAgc
— Virat Kohli (@imVkohli) December 18, 2024
