പത്തനംതിട്ട: ശബരിമല ഡ്യൂട്ടിക്കിടെ മദ്യപിച്ച് ബഹളമുണ്ടാക്കിയ പൊലീസുകാരനെതിരെ ഒടുവിൽ നടപടി. മലപ്പുറം എംഎസ്പി ബറ്റാലിയനിലെ എസ്ഐ ബി. പദ്മകുമാറിനെയാണ് സസ്പെൻഡ് ചെയ്തത്.
നവംബർ 13ന് നിലയ്ക്കലാണ് സംഭവം. നിലയ്ക്കൽ സബ്ഡിവിഷന്റെ ചുമതലയിലുണ്ടായിരുന്ന പദ്മകുമാർ മദ്യപിച്ചെത്തി തീർത്ഥാ ടകരോട് അപമര്യാദയായി പെരുമാറുകയായിരുന്നു.
തുടർന്ന് വിവരം അറിഞ്ഞ് ഉന്നത ഉദ്യോഗസ്ഥർ സ്ഥലത്തെത്തി ഇയാളെ വൈദ്യപരിശോധനയ്ക്ക് വിധേയനാക്കിരുന്നു. പരിശോധനയിൽ മദ്യപിച്ചതായി തെളിയുകയും ചെയ്തു. തുടർന്ന് വകുപ്പുതല അന്വേഷണത്തിനും ഉത്തരവിട്ടിരുന്നു.
