‘ഒന്നാകാൻ’ ഇനിയും കാത്തിരിക്കണം; സ്പേസ് ഡോക്കിം​ഗ് പരീക്ഷണം ഇന്നും നടക്കില്ല; വീണ്ടും മാറ്റിയതായി ഇസ്രോ, കാരണമിത്..

ന്യൂഡൽഹി: രാജ്യം കാത്തിരിക്കുന്ന അതിസങ്കീർണമായ സ്പേസ് ഡോക്കിം​ഗ് പരീക്ഷണം ഇന്നും നടത്തില്ലെന്ന് ഐഎസ്ആർഒ അറിയിച്ചു. നേരത്തെ ജനുവരി ഏഴിന് നടത്താനിയിരുന്നു ഉദ്ദേശിച്ചിരുന്നത്. പിന്നീട് ഇന്നത്തേക്ക് മാറ്റുകയായിരുന്നു. ഇതാണ് വീണ്ടും മാറ്റിയതായി അറിയിച്ചിരിക്കുന്നത്.

ഉപ​ഗ്രഹങ്ങൾ സമാന്തര ഓർബിറ്റിൽ എത്തിച്ച ശേഷം സാവധാനം അടുത്തേക്ക് കൊണ്ടുവന്ന് കൂട്ടിച്ചേർക്കുകയാണ് ലക്ഷ്യം. ഇതിന് മുന്നോടിയായി ഉപ​ഗ്രഹങ്ങൾ തമ്മിലുള്ള ​ദൂരം കുറയ്‌ക്കുന്നതിന്റെ വേ​ഗത കൂട്ടുകയായിരുന്നു. വേ​ഗത കൂടിയതോടെ ഉപ​ഗ്രഹങ്ങൾ ദൃശ്യ പരിധിക്ക് പുറത്തുപോയി. ഇക്കാരണത്താലാണ് ഡോക്കിം​ഗ് മാറ്റുന്നതെന്ന് ഐഎസ്ആർഒ അറിയിച്ചു.എന്നാൽ ഉപ​ഗ്രഹങ്ങളെ ട്രാക്ക് ചെയ്യാൻ കഴിയുന്നുണ്ടെന്നും അവ സുരക്ഷിതമാണെന്നും ഇസ്രോ അറിയിച്ചിട്ടുണ്ട്.

While making a maneuver to reach 225 m between satellites the drift was found to be more than expected, post non-visibility period.

The planned docking for tomorrow is postponed. Satellites are safe.

Stay tuned for updates.#ISRO #SPADEX

— ISRO (@isro) January 8, 2025

ഉപഗ്രഹങ്ങളെ ഭൂമിയിൽ നിന്ന് 476 കിലോമീറ്റർ അകലെയുള്ള ഭ്രമണപഥത്തിലേക്ക് എത്തിക്കും. 10 മുതൽ 15 കിലോമീറ്റർ അകലെയെത്തുമ്പോൾ ഇരു ഉപഗ്രഹങ്ങളെയും സാവധാനം 5 കിലോമീറ്റർ, ഒന്നര കിലോമീറ്റർ, 500 മീറ്റർ, 15 മീറ്റർ, മൂന്ന് മീറ്റർ എന്നിങ്ങനെ അകലം കുറച്ച് കൊണ്ടുവന്ന് പരസ്പരം ബന്ധിപ്പിക്കും. പിന്നാലെ വേർപ്പെടുത്തുന്നതാണ് പരീ​ക്ഷണം. വിജയിച്ചാൽ ഈ നേട്ടം കൈവരിക്കുന്ന നാലാമത്തെ രാജ്യമായി ഇന്ത്യ മാറും.