നഗ്നചിത്രം സമൂഹമാദ്ധ്യമങ്ങളിൽ പ്രചരിച്ചതിന് പിന്നാലെ മാപ്പ് പറഞ്ഞ് നടൻ വിനായകൻ. ഫ്ലാറ്റിന്റെ ബാൽക്കണിയിൽ നിന്നാണ് താരം ആളുകൾക്ക് നേരെ നഗ്നതാ പ്രദർശനം നടത്തിയത്. തെറിയഭിഷേകം നടത്തുന്നതിന്റെ ഉൾപ്പടെയുള്ള വീഡിയോയാണ് സമൂഹമാദ്ധ്യമങ്ങളിൽ പ്രചരിച്ചത്. ഇതിന് പിന്നാലെയാണ് മാപ്പപേക്ഷ.
സിനിമ നടൻ എന്ന നിലയിലും വ്യക്തി എന്ന നിലയിലും പല വിഷയങ്ങളും കൈകാര്യം ചെയ്യാൻ എനിക്ക് പറ്റുന്നില്ല. എന്റെ ഭാഗത്തുനിന്നുണ്ടായ എല്ലാ നെഗറ്റീവ് എനർജികൾക്കും
പൊതുസമൂഹത്തോട് ഞാൻ മാപ്പ് ചോദിക്കുന്നു. ചർച്ചകൾ തുടരട്ടെ… എന്നാണ് വിനായകൻ ഫെയ്സ്ബുക്കിൽ കുറിച്ചത്.
ബാൽക്കണിയിൽ വസ്ത്രമുരിഞ്ഞ് നിൽക്കുന്ന വിനായകന്റെ ചിത്രങ്ങൾ വ്യാപകമായി ഷെയർ ചെയ്യപ്പെട്ടിരുന്നു. ഇതിന് പിന്നാലെ വീഡിയോയുടെ സ്ക്രീൻഷോട്ട് വിനായകൻ തന്നെ സ്വന്തം ഫെയ്സ്ബുക്ക് അക്കൗണ്ടിലും പോസ്റ്റ് ചെയ്തിരുന്നു.
