വിദിഷ: ബന്ധുവായ സഹോദരിയുടെ കല്യാണ ആഘോഷങ്ങളിൽ പങ്കെടുത്ത് നൃത്തം ചെയ്യുന്നതിനിടെ കുഴഞ്ഞുവീണ 23 കാരിക്ക് ദാരുണാന്ത്യം. വേദിയിൽ നൃത്തം ചെയ്തുകൊണ്ടിരിക്കുന്നതിനിടെയാണ് യുവതിക്ക് ഹൃദയാഘാതം സംഭവിച്ചത്.മധ്യപ്രദേശിലെ വിദിഷ ജില്ലയിലെ ഒരു റിസോർട്ടിൽ വിവാഹ ചടങ്ങിനിടെയാണ് ദാരുണ സംഭവം.
ബന്ധുവായ സഹോദരിയുടെ വിവാഹ ചടങ്ങിൽ പങ്കെടുക്കാൻ വിദിഷയിലെത്തിയ ഇൻഡോർ സ്വദേശിനിയായ പരിണിത ജെയിൻ ആൺ മരിച്ചത്. സംഭവത്തിന്റെ വീഡിയോ സോഷ്യൽ മീഡിയയിൽ പ്രചരിക്കുന്നുണ്ട്. 200 ലധികം അതിഥികൾ പങ്കെടുത്ത ‘ഹൽദി’ ചടങ്ങിനിടെയാണ് പരിണിത വേദിയിൽ നൃത്തം ചെയ്തത്. ‘ലെഹ്‌രാ കെ ബാൽഖാ കെ’ എന്ന ബോളിവുഡ് ഗാനത്തിന് ചുവടുവെയ്‌ക്കുന്നതിനിടെ പെട്ടെന്ന് മുന്നിലേക്ക് കുഴഞ്ഞുവീഴുകയായിരുന്നു.
ചടങ്ങിലുണ്ടായിരുന്ന ഡോക്ടർമാരായ കുടുംബാംഗങ്ങൾ യുവതിക്ക് സിപിആർ നൽകിയെങ്കിലും പ്രതികരണമുണ്ടായിരുന്നില്ല. തുടർന്ന് പെൺകുട്ടിയെ അടുത്തുള്ള സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. എംബിഎ ബിരുദധാരിയായ പരിണിത ഇൻഡോറിലെ സൗത്ത് തുകോഗഞ്ചിൽ മാതാപിതാക്കൾക്കൊപ്പമാണ് താമസിച്ചിരുന്നത്. മുൻപ് പെൺകുട്ടിയുടെ ഇളയ സഹോദരന്മാരിൽ ഒരാൾ 12 വയസ്സുള്ളപ്പോൾ ഹൃദയാഘാതം മൂലം മരിച്ചതായാണ് വിവരം.
A 23-year-old Indian woman, Parinita Jain, tragically passed away from cardiac arrest after collapsing while dancing at a wedding.
In the video, she is seen falling face-first as the celebration takes a heartbreaking turn.
Family members, including doctors present at the… pic.twitter.com/WxcgbBf0g3
— Shadow of Ezra (@ShadowofEzra) February 9, 2025
