തിരുവനന്തപുരം: ശ്രീപത്മനാഭസ്വാമിയുടെ ആറാട്ട് മണ്ഡപത്തിൽ ഇറച്ചിക്കറി വെച്ച സംഭവംത്തിൽ ഹിന്ദു ഐക്യവേദി നിയമ നടപടിക്കൊരുങ്ങുന്നു. ഇത് സംബന്ധിച്ച് ബന്ധപ്പെട്ട ഉദ്യോഗസ്ഥർക്കെതിരെ സർക്കാർ തലത്തിൻ നടപടി സ്വീകരിക്കുക എന്ന ആവശ്യവുമായി
ഹിന്ദു ഐക്യവേദി പരാതി നൽകും.
സ്ഥിതിഗതികൾ നിരീക്ഷിക്കുകയാണ് എന്നും അനുകൂല നടപടികൾ ഉണ്ടാകാത്ത പക്ഷം ശക്തമായ സമരവുമായി ഹിന്ദു ഐക്യവേദി മുന്നോട്ടുപോകുമെന്ന് ഹിന്ദു ഐക്യവേദി സംസ്ഥാന സെക്രട്ടറി സന്ദീപ് തമ്പാനൂർ പ്രസ്താവിച്ചു.
പരിപാവനമായ ശ്രീ പത്മനാഭസ്വാമി ക്ഷേത്രം ആറാട്ട് മണ്ഡപം അശുദ്ധമാക്കുകയും ഹിന്ദു സമൂഹത്തെ അവഹേളിക്കുകയും ചെയ്ത തിരുവനന്തപുരം കോർപ്പറേഷൻ നടപടിക്കെതിരെ കേരളക്ഷേത്ര സംരക്ഷണ സമിതി തിരുവനന്തപുരം മഹാനഗർ ജില്ലയുടെ ആഭിമുഖ്യത്തിൽ ജനുവരി 17 തിങ്കളാഴ്ച ഉച്ചയ്ക്ക് മൂന്ന് മണിക്ക് കോർപറേഷൻ ഓഫീസിനു മുന്നിൽ പ്രതിഷേധം നടത്തും.
ശംഖുമുഖം ആറാട്ടു മണ്ഡപത്തിൽ മാംസം പാകം ചെയ്ത സംഭവത്തിൽ പ്രതിഷേധവുമായി ബിജെപിയും രംഗത്തെത്തി. രാവിലെ ബിജെപി കൗൺസിലർമാർ കോർപറേഷൻ ഓഫീസ് ഉപരോധിച്ചു പ്രതിഷേധിച്ചു.
