കൊല്ലം: അനധികൃതമായി കൊടിയും ഫ്ലക്സ് ബോർഡും സ്ഥാപിച്ചതിന് സിപിഎമ്മിന് കൊല്ലം കോർപ്പറേഷന്റെ പിഴ. മൂന്നര ലക്ഷം രൂപയാണ് പിഴ ചുമത്തിയിരിക്കുന്നത്. സിപിഎമ്മിന്റെ സംസ്ഥാന സമ്മേളനത്തിന്റെ ഭാഗമായായിരുന്നു ഫ്ലക്സുകൾ സ്ഥാപിച്ചത്. പിഴ അടയ്ക്കണമെന്ന് കാണിച്ച് സിപിഎം ജില്ലാ സെക്രട്ടറിക്ക് കോർപ്പറേഷൻ സെക്രട്ടറി നോട്ടീസ് നൽകിയിട്ടുണ്ട്.
20 ഫ്ലക്സ് ബോർഡുകളും 2,500 കോടിയും കെട്ടിയതിനാണ് പിഴ ചുമത്തിയത്. കൊല്ലം നഗരത്തിന്റെ വിവിധയിടങ്ങളിലായി നേതാക്കന്മാരുടെ ചിത്രങ്ങൾ പതിപ്പിച്ച കൂറ്റൻ ഫ്ലക്സുകളും കൊടിതോരണങ്ങളും സിപിഎം സ്ഥാപിച്ചിരുന്നു.
ഫീസ് അടച്ച് ഫ്ലക്സുകൾ സ്ഥാപിക്കാൻ സിപിഎം അനുമതി തേടിയിരുന്നെങ്കിലും കോർപ്പറേഷൻ ഇക്കാര്യത്തിൽ നിലപാട് സ്വീകരിച്ചിരുന്നില്ല. കഴിഞ്ഞ ദിവസം ഹൈക്കോടതിയും ഇതിനെ വിമർശിച്ചിരുന്നു.
എന്നാൽ. കാഴ്ച മറയ്ക്കാതെയും ഗതാഗത തടസമില്ലാതെയാണ് ഫ്ലക്സ് ബോർഡുകൾ സ്ഥാപിച്ചതെന്നാണ് സിപിഎം നേതൃത്വത്തിന്റെ വാദം.
