പാലക്കാട്: തൃത്താലയിൽ ഉത്സവ ആഘോഷവരവിനിടെ എയർഗണ്ണുമായി യുവാവിന്റെ അഭ്യാസപ്രകടനം. വേങ്ങശ്ശേരി പൂരത്തിനിടെയാണ് സംഭവം. തുടർന്ന് ഒതളൂർ സ്വദേശി ദിൽജിത്തിനെ പോലീസ് കസ്റ്റഡിയിലെടുത്തു.
തൃത്താല കോക്കാട് സെന്ററിൽ വച്ചാണ് യുവാവിന്റെ കയ്യിലുള്ള തോക്ക് പൊലീസിന്റെ ശ്രദ്ധയിൽപ്പെടുന്നത്. തുടർന്ന് എയർഗൺ പൊലീസ് കസ്റ്റഡിയിലെടുക്കുകയായിരുന്നു. ഉത്സവ പരിപാടികൾക്കിടയിൽ എയർഗൺ പ്രദർശിപ്പിച്ചതിനും, എയർഗൺ അശ്രദ്ധമായി കൈകാര്യം ചെയ്തതിനും യുവാവിനെതിരെ കേസെടുക്കുകയും ചെയ്തു
എയർഗൺ പൊട്ടിയിരുന്നെങ്കിൽ പൊതുജനങ്ങളുടെ ജീവന് അപായം സംഭവിക്കുമായിരുന്നെന്നും എഫ്.ഐ.ആറിൽ പറയുന്നു. പെരുമ്പിലാവിൽ നിന്നും യുവാവ് വാടകയ്ക്ക് എടുത്തതാണ് എയർ ഗൺ
