തിരുവനന്തപുരം : മീഡിയ വൺ ചാനലിനെതിരെ ബിജെപി പൊലീസിൽ പരാതി നൽകി. ഔട്ട് ഓഫ് ഫോക്കസ് എന്ന പരിപാടിയുടെ സംപ്രേഷണത്തിന് എതിരെയാണ് ഡിജിപിക്ക് പരാതി നൽകിയത്.
ഈ മാസം 23ന് സംപ്രേക്ഷണം ചെയ്ത പരിപാടിക്കെതിരെയാണ് പരാതി. മതവിഭാഗങ്ങൾക്കിടയിൽ ശത്രുത വളർത്തലിനു ശ്രമിക്കുകയും തീവ്രവാദ പ്രവർത്തനത്തെ മഹത്വവൽക്കരിക്കാൻ ബോധപൂർവം ശ്രമം നടത്തുകയും ചെയ്തു എന്നും പരാതിയിലുണ്ട്.
പഹൽഗാമിൽ നടന്ന ഭീകരാക്രമണത്തിൽ അടിസ്ഥാനരഹിതമായ ആരോപണങ്ങൾ ഉന്നയിച്ചെന്നും പരാതിയുണ്ട്. ആർട്ടിക്കൾ 370 ഒഴിവാക്കിയതും തെരഞ്ഞെടുപ്പ് കണക്കിലെടുത്തുമുള്ള രാഷ്‌ട്രീയ തന്ത്രമെന്നും പരിപാടിയിൽ പരാമർശമുണ്ടായിരുന്നു. നിഷാദ് റാവുത്തർ, എസ് എ അജിംസ്, ഓൺലൈൻ എഡിറ്റർ എന്നിവർക്കെതിരെയാണ് പരാതി
