ഇന്ത്യൻ ക്രിക്കറ്റ് ടീം പേസർ അർഷദീപ് സിംഗ് വിവാദത്തിൽ. താരത്തിന്റേതെന്ന് കരുതുന്ന സ്വകാര്യ ഇൻസ്റ്റഗ്രാം ചാറ്റുകൾ സോഷ്യൽ മീഡിയയിൽ ചോർന്നു. പഞ്ചാബി സ്വദേശിനിയുമായി നടത്തിയ ചാറ്റുകളാണ് ലീക്കായത്.
ഇത് സോഷ്യൽ മീഡിയയിൽ പെട്ടെന്ന് വൈറലാവുകയും ചെയ്തു. ഈ യുവതി തന്നെയാണ് അർഷദീപുമായി നടത്തിയ ചാറ്റെന്ന പേരിൽ ഇവ സോഷ്യൽ മീഡിയയിൽ പങ്കുവച്ച വീഡിയോയിൽ ഉൾപ്പെടുത്തിയിരിക്കുന്നത്. ചാറ്റിന്റെ സ്ക്രീൻ ഷോട്ടുകളാണ് പ്രചരിക്കുന്നത്.
യുവതിയോട് വിശേഷങ്ങൾ തിരക്കുന്നതും മറ്റുമായ സന്ദേശങ്ങളാണ് ഇവർ പങ്കുവച്ച സ്ക്രീൻ ഷോട്ടിലുള്ളത്. അതേസമയം ചിലർ വാദിക്കുന്നത് അർഷദീപ് ഈ യുവതിയുമായി പ്രണയത്തിലെന്നാണ്. എന്നാൽ ഇതിന് യാതൊരു തെളിവുകളോ ഔദ്യോഗിക സ്ഥിരീകരണമോ ഇല്ല.
Snappreet singh exposed 😭😭😭😭 pic.twitter.com/BGYp2H4JGL
— Simpman Sandhu (@cheersgayleee) May 23, 2025
യുവതിയോട് പേസർ വീടിന്റെ വിശദാംശങ്ങളും തേടുന്നുണ്ട്. അതേസമയം അർഷദീപ് ഇക്കാര്യത്തിൽ ഇതുവരെ പ്രതികരിച്ചിട്ടില്ല. താരത്തിന്റേത് തന്നെയാണോ ചോർന്ന ചാറ്റുകളെന്നും വ്യക്തമല്ല. അതേസമയം പേസറുടെ ആരാധകരെ ഇത് രണ്ട് തട്ടിലാക്കി. ചിലർ താരത്തെ വിമർശിച്ചപ്പോൾ ചാറ്റ് സൗഹാർദപരമെന്നായിരുന്നു മറ്റു ചിലരുടെ പിന്തുണ. ഐപിഎല്ലിൽ പഞ്ചാബ് കിംഗ്സ് താരമായ അർഷദീപിന് ഇംഗ്ലണ്ടിലേക്കുള്ള ടെസ്റ്റ് ടീമിൽ അവസരം ലഭിച്ചിട്ടുണ്ട്.
