സ്വകാര്യ ജീവിതം പൊതുമദ്ധ്യത്തിൽ നിന്ന് മാറ്റിനിർത്താൻ ബോളിവുഡ് സൂപ്പർ സ്റ്റാർ ആമിർ ഖാൻ എപ്പോഴും ശ്രദ്ധിച്ചിരുന്നു. എന്നാൽ ചില സന്ദർഭങ്ങളിൽ വ്യക്തിജീവിതത്തെക്കുറിച്ച് അദ്ദേഹം വാചാലനാകാറുണ്ടായിരുന്നു. അത്തരത്തിൽ ചില തുറന്നുപറച്ചിലുകൾ നടത്തിയിരിക്കുകയാണ് താരം. ലല്ലൻ ടോപ്പിന് നൽകിയ അഭിമുഖത്തിലാണ് വ്യക്തി ജീവിതത്തിന്റെ ചില ഇരുളടഞ്ഞ കാലഘട്ടത്തെക്കുറിച്ച് അദ്ദേഹം വെളിപ്പെടുത്തിയത്.
2002-ലാണ് ആദ്യ ഭാര്യ റീന ദത്തയുമായി ആമിർ ഖാൻ വേർ പിരിയുന്നത്. വിവാഹമോചനം തന്നെ വല്ലാതെ ബാധിച്ചിരുന്നതായും മദ്യപാനത്തിന് അടിമപ്പെട്ടിരുന്നതായും തുറന്നുപറയുകയാണ് താരം. ഈ സമയത്താണ് തന്നെ ഒരു പത്രം മാൻ ഓഫ് ദ ഇയർ എന്ന വാഴ്ത്തിയത്, ലഗാൻ ഇറങ്ങിയ സമയമായിരുന്നു. എന്നാൽ ആ തലക്കെട്ട് കണ്ടപ്പോൾ വിരോധാഭാസമെന്നാണ് എനിക്ക് തോന്നിയതെന്നും നടൻ പറഞ്ഞു. താരം വളരെ വൈകാരികമായാണ് പ്രതികരിച്ചത്.
ഞാനും റീനയും വേർപിരിഞ്ഞ രാത്രിയിൽ ഒരു ബോട്ടിൽ മജ്യം മുഴുവൻ കാലിയാക്കി. പിന്നീട് ഒന്നരവർഷത്തിൽ ഞാൻ മദ്യപിക്കാതിരുന്ന ഒരു ദിവസം പോലുമുണ്ടായിരുന്നില്ല. ഉറങ്ങിയി രുന്നില്ല. ബോധം നശിക്കുന്നതുവരെ കുടിച്ചു. മദ്യപിച്ച് മരിക്കാനായിരുന്നു എന്റെ തീരുമാനം—ആമിർ വെളിപ്പെടുത്തി. 16 വർഷത്തെ ദാമ്പത്യത്തിനൊടുവിലാണ് റീനയും ആമിറും വേർപിരിഞ്ഞ. ഇറ ഖാൻ, ജുനൈദ് ഖാൻ എന്ന രണ്ടുമക്കളും ദമ്പതികൾക്കുണ്ട്.
