ന്യൂഡൽഹി: അന്തരിച്ച മുൻ ഉപരാഷ്ട്രപതി കൃഷൻ കാന്തിന്റെ ചെറുമകൻ വിരാട് കാന്ത് ബിജെപിയിൽ ചേർന്നു. ബിജെപി ദേശീയ ജനറൽ സെക്രട്ടറി തരുൺ ചഗ്, പഞ്ചാബ് ബിജെപി പ്രസിഡന്റ് സുനിൽ ജാഖർ എന്നിവരുടെ സാന്നിധ്യത്തിലാണ് വിരാട് കാന്തിനെ ബിജെപി അംഗത്വം നൽകി സ്വീകരിച്ചത്.
മുൻ ഉപരാഷ്ട്രപതി കൃഷൻ കാന്തിന്റെ ചെറുമകൻ ബിജെപിയിലേക്ക് ചേരുന്നത് പാർട്ടിക്ക് വലിയൊരു നാഴികക്കല്ലാണെന്ന് തരുൺ ചുഗ് പറഞ്ഞു. സ്വാതന്ത്ര്യസമരത്തിന് സുപ്രധാന സംഭാവന നൽകിയ വ്യക്തിയാണ് കൃഷൻ കാന്ത്. വിരാട് കാന്തിന്റെ കടന്നുവരവ് ബിജെപിയെ ശക്തിപ്പെടുത്താൻ സഹായിക്കുമെന്ന് അദ്ദേഹം പറഞ്ഞു.
ബിജെപിയിൽ ചേരാൻ അവസരം നൽകിയതിന് പ്രധാനമന്ത്രി നരേന്ദ്രമോദി, കേന്ദ്ര ആഭ്യന്തരമന്ത്രി അമിത് ഷാ, ബിജെപി അദ്ധ്യക്ഷൻ ജെ പി നദ്ദ എന്നിവരോട് നന്ദി അറിയിക്കുന്നുവെന്നും വിരാട് കാന്ത് പറഞ്ഞു.
