ആലപ്പുഴ : സിപിഎമ്മിന്റെ സജീവ പ്രവർത്തകയും മാവേലിക്കര ബ്ലോക്ക് പഞ്ചായത്ത് മുൻ വൈസ് പ്രസിഡൻ്റുമായ ശശികല രഘുനാഥ് ബിജെപിയില്‍ ചേര്‍ന്നു.ബിജെപി മാന്നാര്‍ മണ്ഡലം ഓഫീസില്‍ നടന്ന ചടങ്ങില്‍ ജില്ലാ പ്രസിഡന്റ് സന്ദിപ് വചസ്പതിയില്‍ നിന്ന് ശശികല ബിജെപി അംഗത്വം സ്വീകരിച്ചു.
2015-20ല്‍ സിപിഐഎം സ്ഥാനാര്‍ത്ഥിയായി മാവേലിക്കര ബ്ലോക്ക് പഞ്ചായത്ത് മാന്നാര്‍ ഡിവിഷനിലായിരുന്നു ശശികല മത്സരിച്ച് വിജയിച്ചത്.
മാന്നാര്‍ ഗ്രാമപഞ്ചായത്തിലെ സിപിഐഎം മെമ്പറായും സിപിഐഎമ്മിന്റെ നേതൃത്വത്തില്‍ ഭരണം നടക്കുന്ന മാന്നാര്‍ സര്‍വ്വീസ് സഹകരണ ബാങ്ക് ബോര്‍ഡ് മെമ്പറായും പ്രവര്‍ത്തിച്ചിരുന്ന ആളാണ് ശശികല രഘുനാഥ്.
എസ്എൻഡിപി യോഗം മാന്നാർ യൂണിയൻ വനിതാ സംഘം ചെയർപേഴ്സണായ ശശികല സിപിഎമ്മിന്റെ ഇരട്ടത്താപ്പ് രാഷ്‌ട്രീയത്തിൽ മനം മടുത്താണ് ശശികല ദേശീയതയിൽ അണിചേരാൻ തീരുമാനിച്ചത്.
