തിരുവനന്തപുരം : കേരളത്തിൽ ഇന്നും പരക്കെ മഴ. ബുധനാഴ്ച വരെ സംസ്ഥാനത്ത് ശക്തമായ മഴ തുടരും . ഇന്ന് 7 ജില്ലകളിൽ യെല്ലോ അലർട്ട് ഉണ്ട്. ശക്തമായ കാറ്റിനും ഇടി മിന്നലിനും സാധ്യതയുണ്ട്.
ഇന്ന് തിരുവനന്തപുരം, കൊല്ലം, പത്തനംതിട്ട, കോട്ടയം, എറണാകുളം, ആലപ്പുഴ, ഇടുക്കി ജില്ലകളിൽ ആണ് മഴ മുന്നറിയിപ്പ്. കേരള , ലക്ഷദ്വീപ് തീരങ്ങളിൽ മത്സ്യബന്ധനത്തിന് വിലക്കുണ്ട്.മഴയ്ക്കൊപ്പം 40 കിലോമീറ്റർ വരെ വേഗതയിലുള്ള കാറ്റിനും സാധ്യതയുണ്ട്.
ബംഗാൾ ഉൾക്കടലിനു മുകളിൽ രൂപപ്പെട്ട ന്യൂനമർദം ഇന്ന് അതിതീവ്ര ന്യൂനമർദമായി ശക്തി പ്രാപിക്കും. ഇന്ത്യൻ മഹാസമുദ്രത്തിനും, തെക്ക് കിഴക്കൻ അറബിക്കടലിനും മുകളിലായി ചക്രവാത ചുഴിയും രൂപപ്പെട്ടിട്ടുണ്ട്.ഇതിന്റെയൊക്കെ സ്വാധീനത്തിലാണ് സംസ്ഥാനത്ത് മഴ കനക്കുന്നത് .
വരുന്ന അഞ്ച് ദിവസത്തേക്ക് മഴ തുടരും എന്നാണ് കാലാവസ്ഥ കേന്ദ്രത്തിന്റെ മുന്നറിയിപ്പ്. മോശം കാലാവസ്ഥ കണക്കിലെടുത്ത് കേരള – ലക്ഷദ്വീപ് തീരത്ത് മത്സ്യബന്ധത്തിനുള്ള വിലക്ക് ഇന്നും തുടരും.
