കോഴിക്കോട്: കൊടുവള്ളി നഗരസഭയിൽ അരിവാൾ ചുറ്റിക നക്ഷത്രം ഉപേക്ഷിച്ച് സിപിഎം സ്ഥാനാർത്ഥികൾ. നാല് നേതാക്കൾ ഉൾപ്പെടെ 13 സിപിഎമ്മുകാരാണ് ഗ്ലാസ് ടംബ്ലർ ചിഹ്നനത്തിൽ മത്സരിക്കുന്നത്.
നാഷണൽ സെക്യുലർ കോൺഫറൻസ് എന്ന പേരിലാണ് സിപിഎം മത്സരത്തിനിറങ്ങുന്നത്. ആരെ 28 എൽഡിഎഫ് സ്ഥാനാർത്ഥികളാണ് എൻഎസ്സിയുടെ അക്കൗണ്ടിൽ ജനവിധി തേടുന്നത്.
സിപിഎം സ്ഥാനാർത്ഥിയും കരിപ്പൂർ സ്വർണ്ണകടത്ത് കേസിലെ പ്രതിയുമായ കാരാട്ട് ഫൈസലും ഇക്കൂട്ടത്തിലുണ്ട്. സിപിഎം ഏരിയ കമ്മിറ്റിയംഗമായ കെ. ജമീല, ബ്രാഞ്ച്- എരിയാ കമ്മിറ്റിയംഗങ്ങൾ വരെയുള്ളവർക്ക് ഗ്ലാസ് ടംബ്ലറാണ് ചിഹ്നം.
അരിവാൾ ചുറ്റിക നക്ഷത്രത്തിൽ മത്സരിച്ചാൽ കൊടുവള്ളിയിൽ വോട്ട് കിട്ടില്ലെന്ന് ഉറപ്പുള്ളത് കൊണ്ടാണ് സിപിഎം ഗ്ലാസിലേക്ക് കൂടുമാറിയത്. മുസ്ലീം ലീഗ് വിട്ട് എൽഡിഎഫിലെത്തിയ പിടിഎ റഹീം രൂപീകരിച്ച പാർട്ടിയാണ് നാഷണൽ സെക്യുലർ കോൺഫറൻസ്. നാമനിർദ്ദേശ പത്രികയിൽ പോലും ഇതാണ് പാർട്ടിയുടെ സ്ഥാനത്ത് സിപിഎം രേഖപ്പെടുത്തിയിരിക്കുന്നത്.
