ക്ലാസ് മുറിയിൽ നിന്നും മദ്യപിച്ച ആറ് ഒൻപതാം ക്ളാസ് വിദ്യാർത്ഥിനികൾക്ക് സസ്പെൻഷൻ. തമിഴ്നാട് തിരുനെൽവേലി പാളയംകോട്ടയിലെ സർക്കാർ എയ്ഡഡ് സ്കൂളിലാണ് സ്കൂളിലാണ് പരസ്യ മദ്യപാനം നടന്നത്.
യൂണിഫോം ധരിച്ച കുട്ടികൾ ക്ലാസ് മുറിയിൽ ഇരുന്ന് മദ്യപിക്കുന്ന ദൃശ്യങ്ങൾ പുറത്തുവന്നിരുന്നു. പ്ലാസ്റ്റിക് ഗ്ലാസുകളിൽ മദ്യവും വെള്ളവും ഒഴിച്ച് കുടിക്കുന്നതാണ് ദൃശ്യങ്ങളിലുള്ളത്. വീഡിയോ സോഷ്യൽ മീഡിയയിൽ പ്രചരിച്ചതിന് പിന്നാലെ സ്കൂൾ അധികൃതർ അന്വേഷണം നടത്തി മദ്യപാനം നടന്നതായി സ്ഥിരീകരിച്ചു. പിന്നാലെയാണ് കുട്ടികളെ സസ്പെൻഡ് ചെയ്തത്. സസ്പെൻഡ് ചെയ്തെങ്കിലും ആറുപേരെയും പരീക്ഷ എഴുതാൻ അനുവദിക്കുമെന്ന് സ്കൂൾ അധികൃതർ അറിയിച്ചു.
സ്കൂളിലെ വിദ്യാർത്ഥികൾ തന്നെയാണ് ദൃശ്യങ്ങൾ പകർത്തിയ സോഷ്യൽ മീഡിയയിൽ പ്രചരിപ്പിച്ചത്. ക്ലാസ് മുറിയിലെ മദ്യാപാനത്തിൽ അധ്യാപകരുടെയും സ്കൂൾ ജീവനക്കാരുടേയും വീഴ്ച ചൂണ്ടിക്കാട്ടി രക്ഷിതാക്കൾ രംഗത്തെത്തിയിരുന്നു. വിദ്യാർത്ഥികൾക്ക് മദ്യം എങ്ങനെ ലഭിച്ചെന്നും ആരാണ് എത്തിച്ചുനൽകിയതെന്നും കണ്ടെത്താൻ വിദ്യാഭ്യാസ വകുപ്പ് അന്വേഷണം ആരംഭിച്ചിട്ടുണ്ട്.
