ന്യൂഡൽഹി: ജോർദാനിലെ സന്ദർശനം പൂർത്തിയാക്കിയ പ്രധാനമന്ത്രി നരേന്ദ്രമോദിക്ക് പ്രത്യേക യാത്രയയപ്പ് നൽകി ജോർദാൻ കിരീടാവകാശി അൽ ഹുസൈൻ ബിൻ അബ്ദുള്ള രണ്ടാമൻ. മോദിയെ സ്വന്തം കാറിൽ ജോർദാൻ മ്യൂസിയത്തിലേക്ക് കൊണ്ടുപോയി. ഇതിന്റെ ചിത്രങ്ങൾ പ്രധാനമന്ത്രി എക്സ് അക്കൗണ്ടിൽ പങ്കുവച്ചിട്ടുണ്ട്.
പ്രധാനമന്ത്രിയെ കിരീടാവകാശി നേരിട്ടെത്തി സന്ദർശിക്കുകയായിരുന്നു. പിന്നീട് അദ്ദേഹത്തിന്റെ സ്വന്തം കാറിൽ മ്യൂസിയത്തിലേക്ക് പോയി. തുടർന്ന് പ്രധാനമന്ത്രിയെ യാത്രയയ്ക്കാനായി വിമാനത്താവളത്തിലേക്കും എത്തി. “കിരീടാവകാശി അല് ഹുസൈന് ബിന് അബ്ദുള്ള രണ്ടാമനോടൊപ്പം ജോര്ദാന് മ്യൂസിയത്തിലേക്ക്”എന്ന അടിക്കുറിപ്പോടെ പ്രധാനമന്ത്രി ചിത്രങ്ങളും പങ്കുവച്ചിട്ടുണ്ട്.
ജോർദാനും ഇന്ത്യയും തമ്മിലുള്ള നയതന്ത്ര ബന്ധത്തിന്റെ 75-ാം വർഷത്തെ ആഘോഷത്തിന്റെ ഭാഗമായാണ് പ്രധാനമന്ത്രിയുടെ സന്ദർശനം. ദ്വിദിന സന്ദർശനത്തിനായി അമ്മാനിൽ എത്തിയ മോദിയെ ജോർദാൻ പ്രധാനമന്ത്രി ജാഫർ ഹസൻ സ്വീകരിച്ചു.
വിവിധ മേഖലകളിൽ ഇരുരാജ്യങ്ങളും തമ്മിൽ ചർച്ച നടന്നതായി പ്രധാനമന്ത്രി എക്സിൽ കുറിച്ചു. ചർച്ചയുടെ ഫലങ്ങൾ നമ്മുടെ പൗരന്മാർക്ക് പുരോഗതിയുടെയും സമൃദ്ധിയുടെയും പുതിയ വഴികൾ തുറക്കുമെന്നും അദ്ദേഹം കൂട്ടിച്ചേർത്തു. ജോർദാനിൽ നിന്ന് തന്നെ യാത്രയയ്ക്കാൻ വിമാനത്താവളത്തിൽ എത്തിയ കിരീടാവകാശി അൽ-ഹുസൈൻ ബിൻ അബ്ദുള്ള രണ്ടാമന് മോദി നന്ദി അറിയിക്കുകയും ചെയ്തു.
