ബിജെപിയുടെ ദേശീയ വർക്കിംഗ് പ്രസിഡന്റായി ചുമതലയേറ്റ നിതിൻ നബിനെ സന്ദർശിച്ച് ബിജെപി സംസ്ഥാന അദ്ധ്യക്ഷൻ രാജീവ് ചന്ദ്രശേഖർ. നിതിൻ നബിന് അഭിനന്ദനങ്ങൾ അറിയിച്ച രാജീവ് ചന്ദ്രശേഖർ പൂച്ചെണ്ട് നൽകി സ്വീകരിക്കുകയും ചെയ്തു. സന്ദർശിച്ചതിന്റെ ചിത്രങ്ങൾ അദ്ദേഹം ഫെയ്സ്ബുക്കിൽ പങ്കുവച്ചിട്ടുണ്ട്.
“ബിജെപിയുടെ ദേശീയ വർക്കിംഗ് പ്രസിഡന്റായി ചുമതലയേറ്റ ശ്രീ നിതിൻ നബിൻ ജിയെ നേരിൽ കണ്ട് അഭിനന്ദനങ്ങൾ അറിയിച്ചു. വെറും 45-ാം വയസിൽ ഈ പദവിയിലെത്തിയ അദ്ദേഹം, പാർട്ടിയുടെ ചരിത്രത്തിലെ ഏറ്റവും പ്രായം കുറഞ്ഞ വർക്കിംഗ് പ്രസിഡന്റാണ്. ഒപ്പം ബിജെപി ഉയർത്തിപ്പിടിക്കുന്ന മൂല്യങ്ങളുടെ കരുത്തുറ്റ പ്രതീകം കൂടിയാണ് നിതിൻ ജി.
ആത്മാർത്ഥതയോടും അച്ചടക്കത്തോടും കൂടി പ്രവർത്തിക്കുന്ന ഏതൊരു പ്രവർത്തകനും ഉന്നതപദവികളിലേക്ക് വളരാൻ കഴിയുന്ന പ്രസ്ഥാനമാണ് ബിജെപി. ഓരോ തലത്തിലും പ്രവർത്തന മികവിന്റെ രാഷ്ട്രീയം പിന്തുടരുന്ന പാർട്ടി കൂടിയാണ് ഞങ്ങളുടേത്.
കരുത്തുറ്റ പ്രസ്ഥാനങ്ങൾ കെട്ടിപ്പടുക്കുന്നത് ഇങ്ങനെയാണ്. പുതിയ നേതൃനിരയെ വാർത്തെടുക്കുന്നതും ഇങ്ങനെ തന്നെ”രാജീവ് ചന്ദ്രശേഖർ കുറിച്ചു.
കഴിഞ്ഞ 14-ാം തീയതിയാണ് ബിജെപിയുടെപുതിയ ദേശീയ വർക്കിംഗ് പ്രസിഡൻ്റായി നിതിൻ നബിൻ ചുമതലയേറ്റത്. നിലവിൽ ബീഹാറിലെ പിഡബ്ല്യുഡി മന്ത്രിയും പട്നയിലെ ബങ്കിപൂരിൽ നിന്നുള്ള എംഎൽഎയുമാണ് അദ്ദേഹം. മുതിർന്ന ബിജെപി നേതാവ് നബീൻ കിഷോർ സിൻഹയുടെ മകനാണ് നിതിൻ. ബിജെപിയുടെ പാർലമെന്ററി ബോർഡാണ് നിതിൻ നബിനെ പാർട്ടിയുടെ ദേശീയ വർക്കിംഗ് പ്രസിഡന്റായി നിയമിച്ചത്.
