ന്യൂഡൽഹി: ശീതകാല സമ്മേളനത്തിൽ ലോക്സഭയെ അവഹേളിക്കുന്ന നടപടികളുമായി പ്രതിപക്ഷ എംപിമാർ. തൃണമൂൽ കോൺഗ്രസ് എംപിമാരാണ് സഭയെ ആക്ഷേപിക്കുന്ന രീതിയിൽ പെരുമാറിയത്. ലോക്സഭയ്ക്ക് അകത്തും പുറത്തുമുള്ള പ്രതിപക്ഷ എംപിമാരുടെ പെരുമാറ്റം വിവാദമാവുകയാണ്.
തൃണമൂൽ എംപിയും മുൻ ക്രിക്കറ്റ് താരവുമായ കീർത്തി ആസാദ് സമ്മേളനം നടക്കുന്നതിനിടെ മദ്യപിച്ചതായി കണ്ടെത്തി. ഇതിന്റെ വീഡിയോ പുറത്തുവന്നിട്ടുണ്ട്. ചർച്ചാ നടപടികൾക്കിടെ കഴിഞ്ഞ ദിവസം മറ്റൊരു തൃണമൂൽ എംപി ഇ-സിഗരറ്റ് ഉപയോഗിച്ചിരുന്നു. സൗഗത റോയിയാണ് പാർലമെന്റ് വളപ്പിൽ പുകവലിച്ചത്. ഇത് ബിജെപിയിൽ വൻ പ്രതിഷേധത്തിന് വഴിവച്ചു.
ലോക്സഭയ്ക്കുള്ളിൽ പുകവലിച്ചതുമായി ബന്ധപ്പെട്ട് ഒരു കേസ് അന്വേഷിച്ചുവരികയാണെന്നും ഇതിന്റെ വസ്തുതകൾ പരിശോധിക്കുകയാണെന്നും ഉദ്യോഗസ്ഥർ അറിയിച്ചു. കോൺഗ്രസ് എംപി രേണുക ചൗധരി നായയെ ലോക്സഭാ പരിസരത്തേക്ക് കൊണ്ടുവന്നതും വിവാദങ്ങൾക്ക് തിരികൊളുത്തി. രേണുക ചൗധരിക്കെതിരെ പരാതി നൽകിയിട്ടുണ്ട്. ഈ വിഷയവും പരിശോധിച്ചുവരികയാണ്.
പാർലമെന്റിന്റെ ശീതകാല സമ്മേളനം ഇന്ന് അവസാനിച്ചു. കഴിഞ്ഞ 1-ാം തീയതിയാണ് സമ്മേളനം ആരംഭിച്ചത്.
