മലപ്പുറം :കേരളം മുഴുവൻ ആവേശത്തോടെ കാത്തിരുന്ന കേരളത്തിന്റെ കുംഭമേളയായ മഹാമാഘമഹോത്സവത്തിന്റെ ഒരുക്കങ്ങൾ പൊലീസ് തടഞ്ഞു. തിരുനാവായയിൽ നടക്കുന്ന മഹാമാഘ ഉത്സവത്തിന്റെ ഒരുക്കങ്ങൾ ഇന്ന് രാവിലെയാണ് സർക്കാർ തടഞ്ഞത് . കാരണം വിശദമാക്കാതെയാണ് റവന്യൂ ഉദ്യോഗസ്ഥരെത്തി തടഞ്ഞത്. ഒരുക്കങ്ങൾ അന്തിമ ഘട്ടത്തിലെത്തി നിൽക്കെയാണ് സർക്കാരിന്റെ നടപടി.കളക്ടർ, ദേവസ്വം മന്ത്രി വി.എൻ വാസവൻ, ദേവസ്വം ബോർഡ് പ്രസിഡന്റുമാർ എന്നിവർ പരിപാടിയുടെ രക്ഷാധികാരികളായിരിക്കെ ആണ് ഒരുക്കങ്ങൾ തടഞ്ഞത്.
ജനുവരി 18 മുതൽ ഫെബ്രുവരി 3 വരെയാണ് മഹാമാഘ മഹോത്സവം നടക്കുന്നത്. കേരളത്തിലെ കുംഭമേള എന്നറിയപ്പെട്ടിരുന്ന ഉത്സവത്തിന്റെ ഭാഗമായുള്ള പരിപാടികൾക്ക് നേരത്തെ തന്നെ അനുമതി ചോദിച്ച് അപേക്ഷ നൽകിയിരുന്നു.
ജൂന അഖാഡയിലെ മഹാമണ്ഡലേശ്വർ ആനന്ദവനം ഭാരതിയുടെ മുഖ്യ സംഘടനത്തിലാണ് കുംഭമേള നടക്കുന്നത്. ജൂന അഖാഡയും മാതാ അമൃതാനന്ദമയി മഠവുമാണ് പരിപാടിയുടെ പ്രധാന സംയോജകർ.
തുടർപ്രവർത്തനങ്ങൾ വിശദീകരിക്കാൻ മഹാമണ്ഡലേശ്വർ സ്വാമി ആനന്ദവനം ഭാരതി മാദ്ധ്യമങ്ങളെ കാണുന്നു. വൈകുന്നേരം 4 മണിക്ക് പ്രത്യേക പത്രസമ്മേളനം വിളിച്ചിട്ടുണ്ട്.
