കൊച്ചി: ആദ്യ ബലാത്സംഗ കേസിൽ പാലക്കാട് എംഎൽഎ രാഹുൽ മാങ്കൂട്ടത്തിലിന് മുൻകൂർ ജാമ്യം. 16ാം തീയതി ചെയ്യലിന് ഹാജരാകണമെന്നും നിർണായക തെളിവായ മൊബൈൽ ഫോൺ പരിശോധനയ്ക്കായി കൈമാറണമെന്നുമുള്ള കർശന ഉപാധികളോടെയാണ് ജാമ്യം. മറ്റ് രണ്ട് ബലാത്സംഗ കേസുകളിൽ നേരത്തെ കീഴ്കോടതികൾ രാഹുലിന് ജാമ്യം അനുവദിച്ചിരുന്നു
ജാമ്യം അനുവദിച്ച് കൊണ്ടുള്ള ഉത്തരവിൽ നിർണ്ണായക പരാമർശങ്ങളും കർശന വ്യവസ്ഥകളും കോടതി ഉൾപ്പെടുത്തിയിട്ടുണ്ട്. തിങ്കളാഴ്ച മുതൽ തുടർച്ചയായ മൂന്ന് ദിവസം ചോദ്യം ചെയ്യലിന് ഹാജരാകണം.രാവിലെ 10 മണി മുതൽ വൈകിട്ട് നാല് മണി വരെ ചോദ്യം ചെയ്യാം
രാഹുൽ മാങ്കൂട്ടത്തിൽ ലൈംഗികശേഷി പരിശോധനയ്ക്ക് വിധേയനാകണമെന്ന് കോടതി പറഞ്ഞു. പരാതിക്കാരിയെയോ മറ്റ് സാക്ഷികളെയോ സ്വാധീനിക്കരുത്. രാഹുൽ മാങ്കൂട്ടത്തിൽ പാസ്പോർട്ട് അന്വേഷണ ഉദ്യോഗസ്ഥന് മുന്നിൽ ഹാജരാക്കണം. എല്ലാ രണ്ടാം ശനിയാഴ്ചയും രാവിലെ പത്തിനും പതിനൊന്നിനും ഇടയിൽ അന്വേഷണ ഉദ്യോഗസ്ഥന് മുന്നിൽ ഹാജരാകണമെന്നും കോടതിയുടെ ഉത്തരവിൽ പറയുന്നു.
