മുംബൈ: മുംബൈയില് നിന്ന് ബെംഗളൂരുവിലേക്ക് പുറപ്പെട്ട എയര് ഇന്ത്യ വിമാനം എഞ്ചിന് തകരാറിനെത്തുടര്ന്ന് അടിയന്തരമായി നിലത്തിറക്കി. വിമാനം ആകാശത്തുവെച്ച് സാങ്കേതിക തകരാര് നേരിട്ടതോടെ പൈലറ്റ് റേഡിയോയിലൂടെ ‘പാന് പാന്’ സന്ദേശം അയക്കുകയും അടിയന്തര ലാന്ഡിംഗിന് അനുമതി തേടുകയുമായിരുന്നു. വിമാനം പറന്നുയര്ന്നതിന് പിന്നാലെ എഞ്ചിന് സ്തംഭിക്കുകയും വലിയ ശബ്ദത്തോടു കൂടി തീപ്പൊരികള് വരികയും ചെയ്തതായി റിപ്പോര്ട്ട് ചെയ്യപ്പെട്ടു.
അപകടസാധ്യത കണക്കിലെടുത്ത് പൈലറ്റ് ഉടന് തന്നെ വിമാനം തിരിക്കുകയും മുംബൈ വിമാനത്താവളത്തില് സുരക്ഷിതമായി തിരിച്ചിറക്കുകയും ചെയ്തു. എഞ്ചിന് തകരാറിലാകാനുള്ള കൃത്യമായ കാരണം ഇതുവരെ വ്യക്തമായിട്ടില്ല. സംഭവത്തില് കൂടുതല് അന്വേഷണം നടന്നു വരികയാണ്.
സാധാരണയായി വിമാനത്തിന് അടിയന്തര സഹായം ആവശ്യമായി വരുമ്പോഴാണ് പൈലറ്റുമാര് ‘പാന് പാന്’ സന്ദേശം ഉപയോഗിക്കുന്നത്. യാത്രക്കാരും ജീവനക്കാരും സുരക്ഷിതരാണെന്ന് അധികൃതര് അറിയിച്ചു.
