കണ്ണൂർ: പയ്യന്നൂരിൽ യുഡിഎഫ് സ്വതന്ത്ര സ്ഥാനാർത്ഥി വി. കുഞ്ഞികൃഷ്ണൻ അനുകൂലിയുടെ വീടിനും വാഹനത്തിനും നേരെ ആക്രമണം. ചെമ്മീൻ കർഷകനായ ടി. പുരുഷോത്തമന്റെ വീടും കാറുമാണ് ആക്രമിക്കപ്പെട്ടത്.
വോട്ടെടുപ്പ് അവസാനിപ്പിച്ചതിന് പിന്നാലെ രാത്രി 11 മണിക്ക് ശേഷമാണ് സംഭവമുണ്ടായത്. വീടിന്റെ ഗ്ലാസ് ജനലുകൾ തകർക്കുകയും കാർ കത്തിക്കുകയും ചെയ്തു. പിന്നിൽ സിപിഎം പ്രവർത്തകരാണെന്ന് ടി. പുരുഷോത്തമൻ ആരോപിച്ചു.
ഏറെ നാളായി സിപിഎമ്മുമായി വിയോജിച്ച് നിൽക്കുന്നയാളാണ് പുരുഷോത്തമൻ. തെരഞ്ഞെടുപ്പ് പ്രചരണത്തിൽ കുഞ്ഞികൃഷ്ണനൊപ്പം സജീവമായിരുന്നു. തീ കണ്ടാണ് പുറത്തിറങ്ങിയതെന്നും ഈ സമയം മൂന്ന് നാലുപേർ ഓടി പോകുന്നത് കണ്ടുവെന്നും പുരുഷോത്തമൻ പറഞ്ഞു.
