കണ്ണൂര്: മുഖ്യമന്ത്രി പിണറായി വിജയന്റെ ഫോട്ടോയ്ക്ക് ‘സ്വര്ണക്കള്ളന്’ എന്ന തലക്കെട്ട് നല്കി സാമൂഹ്യ മാധ്യമത്തില് പ്രചരിപ്പിച്ച 19കാരനെതിരെ കേസെടുത്തു.കൂത്തുപറമ്പ് പാച്ചപ്പൊയ്ക സ്വദേശി ടി.എ. അനുനന്ദിനെതിരെയാണ് കണ്ണൂർ സൈബർ പൊലീസ് കേസെടുത്തത്.
ഇന്സ്റ്റഗ്രാമിലാണ് 19കാരനായ അനുനന്ദ് പോസ്റ്റിട്ടത്. പ്രിയദര്ശിനി ഓലായിക്കര എന്ന പേജിലായിരുന്നു പോസ്റ്റ്. മുഖ്യമന്ത്രിയെ അപകീര്ത്തിപ്പെടുത്താനും മനപ്പൂര്വമായി ലഹളയുണ്ടാക്കാനും ശ്രമിച്ചു എന്ന് എഫ്ഐആറില് പറയുന്നു. പരാതിക്കാരനും സിപിഎം പ്രവര്ത്തകര്ക്കും മാനസിക വിഷമമുണ്ടായി.പിണറായി സ്വദേശി സുധീറിന്റെ പരാതിയിലാണ് സൈബര് പൊലീസ് കേസെടുത്തത്.
പ്രകോപനപരമായി സമൂഹമാധ്യമത്തിൽ പോസ്റ്റ് ചെയ്തതിനെതിരെ കോൺഗ്രസ് നൽകിയ പരാതിയിലും കേസെടുത്തു.
