റായ്പുര്: ഛത്തീസ്ഗഢിലെ സക്തി ജില്ലയില് പ്രവര്ത്തിക്കുന്ന വേദാന്ത പവര് പ്ലാന്റില് ചൊവ്വാഴ്ച ഉച്ചയോടെയുണ്ടായ ഉഗ്രസ്ഫോടനത്തില് വന് നാശനഷ്ടം. പ്ലാന്റിലെ ബോയിലര് പൊട്ടിത്തെറിച്ചുണ്ടായ അപകടത്തില് പത്തോളം പേര് കൊല്ലപ്പെട്ടതായാണ് പ്രാഥമിക വിവരങ്ങള്. ഔദ്യോഗിക സ്ഥിരീകരണം വന്നിട്ടില്ലെങ്കിലും പരിക്കേറ്റ പലരുടെയും നില അതീവ ഗുരുതരമായി തുടരുകയാണ്.
ഉച്ചയ്ക്ക് ഏകദേശം 2 മണിയോടെയാണ് അപകടം നടക്കുന്നത്. 10 പേര് മരിച്ചതായും നാല്പ്പതോളം പേര്ക്ക് പരിക്കേറ്റതായും റിപ്പോര്ട്ടുകള്. ഇതില് 18 പേരുടെ നില ഗുരുതരമാണ് എന്നാണ് പുറത്ത് വരുന്ന റിപ്പോര്ട്ട്. പ്ലാന്റില് പതിവുപോലെ ജോലികള് നടന്നു വരുന്നതിനിടെയാണ് നാടിനെ നടുക്കിയ സ്ഫോടനമുണ്ടായത്. സ്ഫോടനത്തിന്റെ ആഘാതത്തില് പ്ലാന്റിനുള്ളില് വലിയ പരിഭ്രാന്തി പടര്ന്നു. അപകടത്തില്പ്പെട്ടവരെ ഉടനടി റായ്ഘട്ട് മെഡിക്കല് കോളേജ് ആശുപത്രിയില് പ്രവേശിപ്പിച്ചു.
രക്ഷാപ്രവര്ത്തനത്തിനായി പോലീസും ഫയര്ഫോഴ്സും മെഡിക്കല് സംഘവും സ്ഥലത്ത് ക്യാമ്പ് ചെയ്യുന്നുണ്ട്. സ്ഫോടനത്തിന്റെ യഥാര്ത്ഥ കാരണം കണ്ടെത്താന് അധികൃതര് അന്വേഷണം ആരംഭിച്ചു. പ്ലാന്റില് നിന്നുള്ള പുകപടലങ്ങളുടെയും തകര്ന്ന ഭാഗങ്ങളുടെയും ദൃശ്യങ്ങള് ഇതിനോടകം സാമൂഹിക മാധ്യമങ്ങളില് പ്രചരിക്കുന്നുണ്ട്. വരും മണിക്കൂറുകളില് മാത്രമേ കൃത്യമായ മരണസംഖ്യയും നാശനഷ്ടങ്ങളും സംബന്ധിച്ച ഔദ്യോഗിക വിവരം പുറത്തുവരൂ.
