കോട്ടയം: മാധ്യമരംഗത്തെ മികച്ച പ്രവർത്തനങ്ങൾ മുൻനിർത്തി ജവഹർലാൽ നെഹ്റു കൾചറൽ സൊസൈറ്റി ഏർപ്പെടുത്തിയ 2026-ലെ ജവഹർ മാധ്യമ പുരസ്കാരം ജനം ടിവി സീനിയർ റിപ്പോർട്ടർ മിഥുൻ അയ്യപ്പന് സമ്മാനിച്ചു. കോട്ടയം നാഗമ്പടം സീസർ പാലസിൽ വെച്ച് നടന്ന പ്രൗഢഗംഭീരമായ ചടങ്ങിൽ വെച്ചാണ് പുരസ്കാരം കൈമാറിയത്.
സംസ്ഥാന മുൻ മന്ത്രി മോൻസ് ജോസഫ് ചടങ്ങിൽ മുഖ്യാതിഥിയായി പങ്കെടുക്കുകയും മിഥുൻ അയ്യപ്പന് പുരസ്കാരം സമർപ്പിക്കുകയും ചെയ്തു. ഗവൺമെന്റ് ചീഫ് വിപ്പ് അപു ജോൺ ജോസഫ്, ചാണ്ടി ഉമ്മൻ എം.എൽ.എ എന്നിവരുൾപ്പെടെ രാഷ്ട്രീയ-സാമൂഹിക രംഗത്തെ പ്രമുഖരുടെ സാന്നിധ്യത്തിലായിരുന്നു അവാർഡ് ദാന ചടങ്ങ് സംഘടിപ്പിച്ചത്. മാധ്യമപ്രവർത്തനത്തിൽ മിഥുൻ അയ്യപ്പൻ പുലർത്തുന്ന മികവിനും പ്രതിബദ്ധതയ്ക്കുമുള്ള ആദരവാണ് ഈ പുരസ്കാരമെന്ന് ചടങ്ങിൽ പങ്കെടുത്തവർ പ്രകീർത്തിച്ചു.
