തിരുവനന്തപുരം: എന്ഫോഴ്സ്മെന്റ് ഡയറക്ടറേറ്റ് (ഇഡി) ഉദ്യോഗസ്ഥരെ ആക്രമിച്ച സംഭവത്തില് എസ്എഫ്ഐ തിരുവനന്തപുരം ജില്ലാ പ്രസിഡന്റ് വിജയ് വിമലിനെ പൊലീസ് അറസ്റ്റ് ചെയ്തു. ഞായറാഴ്ച വീട്ടില് വെച്ചാണ് ഇദ്ദേഹത്തെ പൊലീസ് കസ്റ്റഡിയിലെടുത്തത്.
അഞ്ചുതെങ്ങ് ഗ്രാമപഞ്ചായത്ത് അംഗവും കേരള യൂണിവേഴ്സിറ്റി യൂണിയന് മുന് ചെയര്മാനുമായ വിജയ് വിമല് കൂടി പിടിയിലായതോടെ ഈ കേസില് അറസ്റ്റിലായവരുടെ ആകെ എണ്ണം 26 ആയി ഉയര്ന്നു.
ജില്ലാ പ്രസിഡന്റിന്റെ അറസ്റ്റില് പ്രതിഷേധിച്ച് ശക്തമായ സമരപരിപാടികളുമായി തെരുവിലിറങ്ങാനാണ് എസ്എഫ്ഐയുടെ തീരുമാനം. അവധി ദിനമായിരുന്നിട്ടും സിറ്റി പൊലീസ് കമ്മീഷണര് ഓഫീസിലേക്ക് പ്രതിഷേധ മാര്ച്ച് നടത്താന് സംഘടന ആഹ്വാനം ചെയ്തിട്ടുണ്ട്.
