ആലപ്പുഴ: ചെങ്ങന്നൂർ കോടതിയിൽ വനിത മുൻസിഫിന് നേരെ യുവാവിന്റെ ആക്രമണം. ചെങ്ങന്നൂർ മുൻസിഫ് ആയ അമല ലോറൻസിന്റെ ചേമ്പറിലേക്കാണ് യുവാവ് അതിക്രമിച്ചെത്തിയത്. ചെങ്ങന്നൂർ സ്വദേശി അരുൺ മോഹനാണു അതിക്രമിച്ചു കയറിയത്. രാവിലെ 10 മണിയോടെയാണ് സംഭവം. സംഭവത്തിൽ ചെങ്ങന്നൂർ മുളക്കുഴ പെരിങ്ങാല മോഹിനി സദനത്തിൽ അരുൺ മോഹനെ പൊലീസ് അറസ്റ്റ് ചെയ്തതു.
യുവാവിനെ തടയൻ എത്തിയ രണ്ട് ജീവനക്കാർക്കും അക്രമത്തിൽ പരുക്കേറ്റു. അക്രമം ഭയന്ന് ഓടുന്നതിനിടയിൽ വീണു പരിക്കേൽക്കുകയായിരുന്നു. നിലത്തുവീണ ഒരു ജീവനക്കാരനെ പ്രതി നെഞ്ചിൽ ചവിട്ടുകയും ചെയ്തു.
കോടതി ജീവനക്കാരും ഓട്ടോറിക്ഷ തൊഴിലാളികളും ചേർന്ന് പ്രതിയെ കീഴടക്കി. പരിക്കേറ്റ കോടതി ജീവനക്കാരും ജഡ്ജും ചെങ്ങന്നൂർ ജില്ലാ ആശുപത്രിയിൽ ചികിത്സ തേടി. സംഭവത്തിൽ പ്രതിഷേധിച്ച് ബാർ അസോസിയേഷൻ കോടതി നടപടികളിൽ നിന്നും വിട്ടു നിൽക്കും.
