ലക്നൗ: ഉത്തർപ്രദേശിലെ സംഭാൽ ജില്ലയിൽ സ്ഥിതിചെയ്യുന്ന മുസ്തഫ ഖാദ്രി മസ്ജിദ് പൊളിച്ചുനീക്കുന്നതിനുള്ള നടപടികൾ ജില്ലാ ഭരണകൂടം ആരംഭിച്ചു. സർക്കാർ ഭൂമിയിലെ കൈയേറ്റം ഒഴിപ്പിക്കണമെന്ന കോടതി ഉത്തരവിന്റെ അടിസ്ഥാനത്തിലാണ് നടപടി.
പൊളിക്കൽ നടപടികൾക്കായി ജില്ലാ ഭരണകൂടം വൻ സജ്ജീകരണങ്ങളാണ് ഒരുക്കിയിരിക്കുന്നത്. ക്രമസമാധാന പ്രശ്നങ്ങൾ ഉണ്ടാകാതിരിക്കാനായി പ്രദേശത്ത് കനത്ത പൊലീസ് സുരക്ഷയും അധിക സേനയെയും വിന്യസിച്ചിട്ടുണ്ട്. ജില്ലാ ഭരണകൂടത്തിന്റെ മേൽനോട്ടത്തിലാണ് നടപടികൾ പുരോഗമിക്കുന്നത്.
സർക്കാർ ഭൂമിയിലെ അനധികൃത നിർമാണങ്ങൾക്കെതിരെ ശക്തമായ നടപടിയാണ് യോഗി സർക്കാർ സ്വീകരിക്കുന്നത്. കോടതി നിർദേശങ്ങൾ കർശനമായി പാലിച്ചുകൊണ്ടാണ് കൈയേറ്റം ഒഴിപ്പിക്കുന്നതെന്ന് ഭരണകൂടം അറിയിച്ചു.
പൊളിക്കൽ നടപടികൾ സമാധാനപരമായി പൂർത്തിയാക്കാൻ ജില്ലാ ഭരണകൂടം ആവശ്യമായ എല്ലാ സുരക്ഷാ മുൻകരുതലുകളും സ്വീകരിച്ചിട്ടുണ്ട്. പ്രദേശത്തെ സ്ഥിതിഗതികൾ പൊലീസ് നിരന്തരം നിരീക്ഷിച്ചുവരികയാണ്
