മേപ്പാടി: വയനാട്ടില് ശക്തമായ മഴ തുടരുന്നതിനിടെ മേപ്പാടിയില് മണ്ണിടിച്ചില്. വയനാട് തുരങ്കപാത നിര്മാണം നടക്കുന്ന മേഖലയിലാണ് അപകടമുണ്ടായത്. മണ്ണും പാറയും വലിയ തോതില് ഇടിഞ്ഞുവീണതായാണ് പ്രാഥമിക വിവരം. മണ്ണിടിച്ചിലിനെ തുടര്ന്ന് നിര്മാണ സ്ഥലത്ത് ജോലി ചെയ്തിരുന്ന ചിലര് കുടുങ്ങിക്കിടക്കുന്നതായി സംശയമുണ്ട്.
കൃത്യമായ ആളപായമോ പരിക്കുകളോ സംബന്ധിച്ച ഔദ്യോഗിക സ്ഥിരീകരണം ഇതുവരെ ലഭ്യമായിട്ടില്ല. വിവരമറിഞ്ഞ് ഫയര്ഫോഴ്സ്, പോലീസ്, റവന്യൂ അധികൃതര് എന്നിവരുടെ നേതൃത്വത്തില് രക്ഷാപ്രവര്ത്തനം ആരംഭിച്ചിട്ടുണ്ട്. പ്രദേശത്ത് കനത്ത മഴ തുടരുന്നതിനാല് രക്ഷാദൗത്യം ദുഷ്കരമായ സാഹചര്യമാണ് നിലനില്ക്കുന്നത്.
കുടുങ്ങിക്കിടക്കുന്നവര് ഉണ്ടെങ്കില് അവരെ കണ്ടെത്താനുള്ള തിരച്ചില് തുടരുകയാണെന്ന് അധികൃതര് അറിയിച്ചു. സംഭവത്തെക്കുറിച്ചുള്ള കൂടുതല് വിവരങ്ങള് ലഭ്യമാകുന്നതനുസരിച്ച് ഔദ്യോഗിക വിശദാംശങ്ങള് പുറത്തുവരും.
