കോഴിക്കോട്: കാക്കൂരിൽ ലഹരിയിലായിരുന്ന യുവാവ് സ്വന്തം വീടിന് തീയിട്ടു. പാവണ്ടൂർ സ്കൂളിന് സമീപം പാടിമലയിൽ രാമദാസിന്റെ വീടിനാണ് മകൻ അനുവിന്ദ് തീയിട്ടത്. വെള്ളിയാഴ്ച രാത്രിയായിരുന്നു സംഭവം.
വിവരമറിഞ്ഞെത്തിയ നരിക്കുനി അഗ്നിരക്ഷാ സേനാംഗങ്ങൾ തീയണച്ചു. തീപിടിത്തത്തിൽ വീടിന്റെ ഒരു ഭാഗം നശിച്ചു.
സംഭവത്തിന് പിന്നാലെ കാക്കൂർ പൊലീസ് യുവാവിനെ കസ്റ്റഡിയിലെടുത്തു. ഇയാൾക്കെതിരെ കേസെടുത്തതായി പൊലീസ് അറിയിച്ചു.
