ഈജിപ്റ്റ് താരം മുഹമ്മദ് സലാ ലോകപ്പിൽ തുടക്കം മുതൽ കളിക്കുമെന്ന് ഉറപ്പായി. ചാമ്പ്യൻസ് ലീഗ് ഫൈനലിൽ തോളിന് പരിക്കേറ്റ സലായ്ക്ക് ലോകകപ്പിലെ ആദ്യ മത്സരങ്ങൾ നഷ്ടമാകുമെന്ന് സൂചനയുണ്ടായിരുന്നു.
എന്നാൽ, സലാ ആദ്യ മത്സരം മുതൽ തന്നെ കളിക്കുമെന്ന് കോച്ച് ഹെക്ടർ കൂപ്പർ വ്യക്തമാക്കി. സൂപ്പർ താരം സലായുടെ മികവിലാണ് ഈജ്പ്റ്റ് ലോകകപ്പ് യോഗ്യത നേടിയത്.
ചാമ്പ്യൻസ് ലീഗ് ഫൈനലിൽ റയൽ മാഡ്രിഡുമായുള്ള മത്സരത്തിനിടയിലായിരുന്നു സലായ്ക്ക് പരിക്കേറ്റത്. റയൽ നായകൻ സെർജിയോ റാമോസ് പന്തിനായുള്ള പോരാട്ടത്തിനിടയിൽ സലായെ വലിച്ചിടുകയായിരുന്നു. വീഴ്ചയുടെ ആഘാതത്തിൽ തോളിന് പരിക്കേറ്റ സലായുടെ പരിക്ക് ഗുരുതരമാണെന്ന് ലിവർപൂൾ കോച്ച് ജർഗൻ ക്ലോപ്പ് അറിയിച്ചിരുന്നു.
